Charter Document - 07030687
| Charter Number: | 07030687 |
|---|---|
| Cartulary Title: | The Register of William Wickwane, Lord Archbishop of York, 1279-1285 |
| Charter Language: | Latin |
| Charter Origin: | Religious |
| Charter Type(s): | Request |
| Date: | 1281 |
| Date type: | Internal, Calendar, Episcopal |
| Resource Link(s): |
Borthwick Institute - Register 3 (f69r) |
Charter:
Amice predilecte ad vestrum in agendis prosperatum subsidium solita confidencia tutissime convolantes dileccioni vestre viscerali instancia duximus supplicandum quatinus ea que domino nostro regi pro omni vi ab ecclesia de Silkestone nostre dioecesis quam nonnulli indevocionis filii in nostri et ecclesie nostre Eboracensis prejudicium et contemptum hiis diebus dampnabiliter occuparunt scribimus amovenda favore benivolo prosequentes ad dissolvenda fraudis exquisite commenta que dum inordinata clericalis resistencia in regii elusionem mandati laicali potencie subrogatur subdole excogitantur operam nostri optentu inpendere velitis efficacem hoc si placet adhibito moderamine quod dominus rex scribat vicecomiti Eboracensi quatinus associato sibi posse comitatus si oporteat ad reprimendam adversariorum maliciam regium mandatum maturato effectui mancipare non retardet ut preter divine remuneracionis suffragium quod promerebimini in hac parte vobis exinde ad meritorias astringamur graciarum acciones Datum apud Hextildesham iii Kalendas Julii pontificatus nostri secundo