Charter Document - 07030680
| Charter Number: | 07030680 |
|---|---|
| Cartulary Title: | The Register of William Wickwane, Lord Archbishop of York, 1279-1285 |
| Charter Language: | Latin |
| Charter Origin: | Religious |
| Charter Type(s): | Request |
| Date: | 1281 |
| Date type: | Internal, Calendar, Episcopal |
| Resource Link(s): |
Borthwick Institute - Register 3 (f68v) |
Charter:
Precordiali et excellenti domino suo domino E[dwardus] [] W[illelmus] [] salutem et votivos in Christo honori regio semper successus Domine reverende verbum nostrum vestre dominacioni pro Roberto de Lavannia alias gaudentur et reverenter emissum non intendimus absque expressissima voluntate vestra nec eciam possumus de facili sine nota enormis inconstancie sacerdotis vacillantis velut immemores irritare Ipsum enim Robertum licet tunc absentem per vos et alios sepissime et memoriter ad nostre creacionis graciam nominastis set nec eciam precibus vestris quas pro magistro Waltero le Breton nobis direxistis quas eciam quantum in nobis est hilariter acceptamus obviavimus Deo dante dummodo per patentes litteras vestras ad mutuum honorem nostrum nobis nunciaveritis vestram voluntatem primariam sic mutatam ne utrique quasi sub involucro teneamur nec primus nos impetat nec infestet et demum condigne vestra beneplacita placide et finaliter complebuntur Conservet [] Datum apud Cawode vi Idus Marcii pontificatus secundo