Charter Document - 07030676
| Charter Number: | 07030676 |
|---|---|
| Cartulary Title: | The Register of William Wickwane, Lord Archbishop of York, 1279-1285 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1280 |
| Date type: | Internal, A.D., Calendar, Episcopal |
| Resource Link(s): |
Borthwick Institute - Register 3 (f68v) |
Charter:
Universis Christi fidelibus tenore presencium innotescat quod nos W[illelmus] permissione [] dilectarum in Christo filiarum pauperum monialium de Wellandwell nostre dyoecesis quatenus dignum fore existimamus in presenti inopiam caritative relevare cupientes quicquid nobis de perquisitis villarum de Tichille et Donecastria citra proximam synodum nostram post festum Sancti Michaelis proximo futurum celebrandam contigerit obvenire ipsis monialibus pio largimur affectu quod in usus earundem per manus magistri Symonis perpetui vicarii de Tychille prout expedire crediderit converti volumus et mandamus has litteras nostras eisdem concedentes in testimonium premissorum Datum apud Scroby ij Kalendas Januarii Anno gratie MCC octogesimo at pontificatus nostri secundo