Charter Document - 07030669
| Charter Number: | 07030669 |
|---|---|
| Cartulary Title: | The Register of William Wickwane, Lord Archbishop of York, 1279-1285 |
| Charter Language: | Latin |
| Charter Origin: | Religious |
| Charter Type(s): | Declaration |
| Date: | 1280 |
| Date type: | Internal, A.D., Calendar, Episcopal |
| Resource Link(s): |
Borthwick Institute - Register 3 (f68r) |
Charter:
Venerabili in Christo patri domino R[obertus] Dei gracia Bathoniensi et Wellensi episcopo domini regis cancellario W[illelmus] permissione Ejusdem [] salutem et intime caritatis in Domino semper augmentum Pater precordialis et amicissime bene scitis et memoriter recolitis quod quicquid de patronatu hospitalis Beati Leonardi Eboracensis jam repente successerit custos tamen vel magister ibidem absque auctoritate nostra utpote dyoecesani stacionem habere non poterit vel ingressum set nobis a patrono debet primitus presentari Unde ne super hoc nobis et ecclesie nostre et ceteris eciam prelatis per exemplum injuria quod absit perperam irrogetur vestre tenere et timorosa consciencie totis viribus et precordiis supplicamus spem firmam reportantes per Dei adjutorium quod sic fiat Conservet paternitatem et incolumitatem vestram per tempora longiora Datum apud Burtone Kalendas Octobri Anno gratie MCC octogesimo et pontificatus nostri anno secundo