Charter Document - 07030657
| Charter Number: | 07030657 |
|---|---|
| Cartulary Title: | The Register of William Wickwane, Lord Archbishop of York, 1279-1285 |
| Charter Language: | Latin |
| Charter Origin: | Religious |
| Charter Type(s): | Gratitude |
| Date: | 1279 - 1280 |
| Date type: | Assigned |
| Resource Link(s): |
Borthwick Institute - Register 3 (f66v) |
Charter:
Sibi alteri id quod sibi Ex hiis domine amantissime que vestra nobis missiva novissima reseravit et magistro Thome clerico nostro vive vocis oraculo familiarius intimastis intime affeccionis zelum quem erga nos geritis visceraliter et habetis re ipsa elicimus efficaciter et approbamus dum singula statum nostrum contingencia licet circa majora ad utilitatem rei publice occupemini qui unicus impetu osas temperas voluntates ut vulgariter conclamatur ad recentis memorie sinum oportunis temporibus reducitis et tanquam propria negocia favorabiliter confovetis quod sola dileccio efficit procul dubio et inducit Assurgimus igitur predilecte ad gracias quas possumus pro continuatis beneficiis et ad grates vestre probate industrie nostra instanter expedienda penitus relinquentes Ecce siquidem nos et nostra vobis committimus confidenter De consilio quidem vestro omnia ordinavimus ut mandastis et familiaribus nostris pro vestro beneplacito regulandis injunximus exequenda