Charter Document - 07030656
| Charter Number: | 07030656 |
|---|---|
| Cartulary Title: | The Register of William Wickwane, Lord Archbishop of York, 1279-1285 |
| Charter Language: | Latin |
| Charter Origin: | Religious |
| Charter Type(s): | Mandate |
| Date: | 1280 |
| Date type: | Internal, Calendar, Episcopal |
| Resource Link(s): |
Borthwick Institute - Register 3 (f66v) |
Charter:
W[illelmus] [] universis paginam presentem inspecturis et maxime domino Willelmus de Vescy militi salutem in spiritu et gracia Redemptoris Affectantes cordium vestrorum puritatem et veram illuminacionem erga Deum vos pia et paterna monicione exhortamur in Christo ne Ricardo de Vescy seu suis complicibus vel eciam fautoribus quibuscumque quos pro intrusione et demeritis suis exigentibus excommunicatos velud satellites et membra Diaboli publice fecimus nunciari in consorcio vel colloquiis in mensa vel aliis quibuscumque familiaritatibus communicare presumatis aliquatinus vel conjungi alioquin quoscumque in communione vel conjungione hujusmodi reos invenerimus absque accepcione in personis diviciis vel honoribus per officii nostri debitum in exemplum ceterorum per Dei graciam percellemus Et hec vobis domine Willelmus per ceteris specialius nunciamus quia nollemus vos pretextu mutue specialitatis nostre decipi vel involvi Valete Datum apud Wyltone xviii Kalendas Octobris pontificatus nostri anno primo