Charter Document - 07030654

Serenissimo et excellentissimo domino suo Edwardus [] Ad humilem et votivam instanciam nostram nuper vestri ingentissima gracia vim et resistenciam laicorum qui possessionem veri et legitimi rectoris ecclesie de Feryby et nostrum episcopale officium in offensam Dei in eadem ecclesia manu armata et hostiliter perturbarunt per vicecomitem vestrum Eboracensem consueto brachio amavistis Set ecce domine karissime cum ibidem per hoc quo ad ministerium nostrum et laudem Dei quietem pacis et terminum speraremus et violentos sub sacramento ad gremium sancte ecclesie ad misissemus per nosmet ipsos personaliter in eodem loco jam quasi statim seu tercio die reluctantur rediit et effronte furit per jurata feritas eorundem qui in nos quin pocius in Salvatorem nostrum amplius solito seviunt et exsurgunt utpote qui sacerdotes et clericos ejusdem ecclesie fere ad mortem primitus verberatos immanissime extra ecclesiam et sanctuarium expulerunt et armati per patriam perniciose discurrunt contra pacem regni vestri et multa ibidem misere perpetrarunt [] que abominabili mente horrifice abhorremus et proteccionem vestram in suis sceleribus se habere asserunt quam novit Deus non credimus emanasse Unde supplicamus excellencie vestre quatinus iterato vicecomiti vel alias sicut Deo magis videritis complacere perseverans et timor osum remedium ad honorem Dei et ejus reverenciam injungatis ne ulterius ipsi vel alii pacem regiam infringentes patrimonium dilapidant Crucifixi nec salutem impediant seu regimen subditorum Et quia clericos nostros quos in hujusmodi scelere invenerimus culpabiles intendimus excommunicacionis carcere spirituali debite castigare confidenter petimus quod de laicis ibidem inventis carcere materiali per magnificenciam regiam consimiliter idem fiat Conservet [] Datum apud Wyltone viii Idus Septembri pontificatus []