Charter Document - 07030653
| Charter Number: | 07030653 |
|---|---|
| Cartulary Title: | The Register of William Wickwane, Lord Archbishop of York, 1279-1285 |
| Charter Language: | Latin |
| Charter Origin: | Religious |
| Charter Type(s): | Request |
| Date: | 1280 |
| Date type: | Assigned |
| Resource Link(s): |
Borthwick Institute - Register 3 (f66v) |
Charter:
Excellenti et confidentissimo domino suo [] Quia in consuetis et ecclesiasticis litibus sepulturas defunctorum et oblaciones sponsalium et purificacionum et aque benedicte assignacionem assuetam contingentibus et coram nobis pendentibus nobis contra officium nostrum regia prohibicio porrigitur hiis diebus ad que non vultis sicut confidimus ipsius vires in offensam Dei et ecclesie sic extendi dominacioni vestre supplicamus humiliter et attente quatinus super premissis Deo devoti principis dulcedinem ad liberum excercicium nostre jurisdiccionis compassionis spiritu rescribatis ne si placet per insueta brevia abrevietur quies cleri Ceterum animalia pauperum clericorum sepius maliciose includuntur seu alias inhumaniter abducuntur per violenciam laicorum qui ipso facto facinoris excommunicacionis sentencia involvuntur Et cum ipsos ad debitum sui status conamur in foro ecclesiastico salutifere allicere ecce prohibicio salutem impedit et retardat quod pro reverencia Dei petimus incommodius reformari Conservet [] Datum Beverlaci Nonis Septembri []