Charter Document - 07030639
| Charter Number: | 07030639 |
|---|---|
| Cartulary Title: | The Register of William Wickwane, Lord Archbishop of York, 1279-1285 |
| Charter Language: | Latin |
| Charter Origin: | Religious |
| Charter Type(s): | Commission |
| Date: | 1279 - 1280 |
| Date type: | Assigned |
| Resource Link(s): |
Borthwick Institute - Register 3 (f60v) |
Charter:
W[illelmus] permissione [] dilectis nobis in Christi Magistris Walterus de Gloucestria canonico Beverlacensi ac Thome de Adberbyre clericis nostris Nonnullos nostre dyoecesis clericos plura ecclesiastica beneficia curam animarum habencia retinentes suas si quas super eisdem dispensaciones habuerint optinendis alios quoque ecclesiasticorum beneficiorum possessioni seu detencioni quo nescitur titulo incumbentes canonicam si quam habuerint institucionem exhibituros ad nostram pluries fecimus presenciam evocari quorum aliqui jura eis sufficiencia nobis exhibuerant ut debebant alii varia querentes subterfugia nullum canonicum pro sua parte nobis hactenus curaverant exhibere Verum quia hujusmodi causarum seu negociorum decisioni personaliter interesse non possumus multipliciter occupati in premissis singulis causis seu negociis et in aliis quibuscumque quascumque personas tam seculares quam religiosas contingentibus que coram nobis in archidiaconatu Rychemundie que extra consistorium nostrum Eboracense tractari habent discuti seu ventilari contigerit vobis conjunctim et divisim committimus vices nostras Nos etenim ratum et acceptum habebimus quicquid canonice statueritis seu decreveritis in premissis et in singulis premissorum Valete Datum []