Charter Document - 07030638
| Charter Number: | 07030638 |
|---|---|
| Cartulary Title: | The Register of William Wickwane, Lord Archbishop of York, 1279-1285 |
| Charter Language: | Latin |
| Charter Origin: | Religious |
| Charter Type(s): | Ordination |
| Date: | 1280 |
| Date type: | Internal, Calendar, Episcopal |
| Resource Link(s): |
Borthwick Institute - Register 3 (f60v) |
Charter:
W[illelmus] permissione [] dilecte et precordiali in Christo filie comitisse Albe Marlie domine Insularum salutem et perpetuam gloriam in futuro Conscienciam vestram licet tenera fuerit et pura sicut credimus coram Deo eam tamen ad incrementum vestre salutis et recenciorem memoriam attentis precibus excitamus ut in eventu si placet presentandi ad ecclesiam de Harwode in littera presentacionis hujusmodi jus nostre Eboracensis ecclesie secundum finalem concordiam et ordinacionem predecessoris nostri super quibusdam porcionibus et decimis integre conservetis et hoc de gracia petimus licet ad nos pertineat quod rogamus Ceterum occurrat vobis optentu Dei quod matrix ecclesia secundum ordinacionem ipsam valeat relevari et in laudem et meritum vobis cedet Bene valete Datum apud Burtone viii Idus Aprilis pontificatus nostri anno primo