Charter Document - 07030615
| Charter Number: | 07030615 |
|---|---|
| Cartulary Title: | The Register of William Wickwane, Lord Archbishop of York, 1279-1285 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1284 - 1285 |
| Date type: | Assigned |
| Resource Link(s): |
Borthwick Institute - Register 3 (f59r) |
Charter:
Omnibus Christi fidelibus ad quos presens scriptum pervenerit Walterus de Wyrkesoppe Eustachius de Novo loco priores et eorundem locorum conventus salutem in Domino Ad universitatis vestre noticiam volumus pervenire nos unanimi assensu et voluntate dedisse et concessisse venerabili patri domino Waltero Eboracensi archiepiscopo Anglie primati ecclesiam nostram de Mistertone cum omnibus ad eam pertinentibus et quicquid juris in eadem ecclesia habuimus in ipsum et successores suos absolute transtulisse ordinacionem quam ipse vel successores sui de eadem ecclesia decreverint faciendam ratam et gratam in perpetuum habituri Omnia eciam instrumenta quecumque super eadem habemus ecclesia eis si necesse fuerit exhibere tenemur et pro omnibus viribus nostris ipsis fideliter assistere in juris sui defensione si quid questionis contra ipsos forte fuerit attemptatum Quod ut ratum et stabile et inconcussum in posterum permaneat presenti scripto sigillis nostris consignato confirmandum duximus et corroborandum Testibus magistris Willelmo de Markham canonico Suwellensi et Willelmo de Suwelle canonico Eboracensi Roberto de Herforde et magistro Roberto Haget canonico Suwellensi Willelmo de Vescy Matheo de Cantilupo et Reginaldo de Stowa clericis et multis aliis