Charter Document - 07030603
| Charter Number: | 07030603 |
|---|---|
| Cartulary Title: | The Register of William Wickwane, Lord Archbishop of York, 1279-1285 |
| Charter Language: | Latin |
| Charter Origin: | Religious |
| Charter Type(s): | Request |
| Date: | 1280 |
| Date type: | Assigned |
| Resource Link(s): |
Borthwick Institute - Register 3 (f57v) |
Charter:
Reverendo in Christo patri domino W[illelmus] [] suus Giffredus canonicus Cameracensis camere Sedis Apostolice clericus et ejusdem Sedis nuncius salutem reverenciam et honorem Multociens rogavi et requisivi vestre paternitatis providenciam auctoritate apostolica ut faceretis quod a secularibus collegiatis et religiosis ecclesiis vestre civitatis et dyoecesis concessam michi singulis diebus septem solidorum procuracionem pro quadriennio more mee in Anglie possem habere illis ecclesiis quantum ad triennium exceptis que pro triennio invenirentur solvisse Nondum tamen habet certitudinem quid super hoc duxerit vestra paternitas faciendum nisi quod dudum rescripsistis michi quod colleccionem procuracionum mearum officiali vestro conferatis et officialis michi de mense Septembris rescripsit quod procuraciones michi debite infra festum Omnium Sanctorum colligerentur et assignarentur meo nomine Thome de Luck Unde cum revera debeam recipere de concessis michi expensis pro quadriennio circa cujus finem existo cxx libras et amplius et oporteat me recipere mutuo a mercatoribus pecuniam pro expensis quod vos et alios prelatos non decet benignitati vestre iterato supplico requirendo auctoritate qua fungor hac vice quatinus sic velitis procuracionum mearum facere expediri negocium et collectam pecuniam dicto Thome vel Petro qui moram facit Eboraci ad escam domini regis assignari quod non expediat ut super hoc vos ulterius non requiram et nullam habeam materiam conquerendi De solucione autem denariorum Sancti Petri pro anno isto memores prout vos deceat et ut plene reddatis quod plene reddendum videritis existatis et non deferatis solucionem quam vos decreveritis [faciendam] ut vestra non per se set cum aliorum de Anglie solucionibus mitti possit Et rescribatis michi vestre beneplacitum voluntatis quia devotus vester eram ante promocionem vestram et semper esse propono unde habere me dignemini supplico commodatum et michi quecumque possum precipere sicut clerico vestro Datum Londoniis in octavis Omnium Sanctorum