Charter Document - 07030587
| Charter Number: | 07030587 |
|---|---|
| Cartulary Title: | The Register of William Wickwane, Lord Archbishop of York, 1279-1285 |
| Charter Language: | Latin |
| Charter Origin: | Religious |
| Charter Type(s): | Gratitude |
| Date: | 1279 - 1285 |
| Date type: | Assigned |
| Resource Link(s): |
Borthwick Institute - Register 3 (f56r) |
Charter:
Reverendo in Christo patri et domino W[illelmus] Dei gracia Eboracensi [] sui devoti capitulum Eboracense cum recommendacione devota omnimodam reverenciam et honorem Pro vestre sanctitatis littera dominis justiciariis domini regis directa pro nobis paternitati vestre cum omni quo possumus regraciamur affectu Sentimus enim per specialitatem verborum et tenoris efficaciam vestre plenitudinem bonitatis et vota nostra speramus consequi per eosdem Verum quia credimus [quod] si singulis singulariter scriberetur melius foret nobis racione multiplici humiliter imploramus quatinus sicut litteras antedictas scribi fecimus pro eo quod accelerare negocium oportebit jubeatis consignari Et si vestre benignitati placeret alias adicere majoribus clericis dirigendas gracie nobis cumulum faceretis set dominacionem vestram pulsare precibus adeo improbe non audemus