Charter Document - 07030559

Omnibus sancte matris ecclesie filiis presens scriptum visuris vel audituris Willelmus [] salutem et memoriam rei geste Volentibus et unanimiter consencientibus dominis priore et conventu Dunelmensibus patronis ecclesie de Scypwyth ex parte una et magistro Willelmo de la Corner domini pape capellano rectore ejusdem ecclesie ex altera quod predicta ecclesia de Skypwyth nostra interveniente ordinacione in ecclesia de Houedene efficiatur prebenda et ibidem in numero prebendarum perpetuo computetur et se ordinacioni nostre super hoc hinc inde totaliter submittentibus nos eorundem submissionem et consensum recepimus in hiis formis [] Nos igitur inspectis et intellectis sub missionibus et consensu prescriptis de expresso capituli nostri Eboracensis consensu In nomine domini nostri Jesu Christi ordinamus et ordinando statuimus quod dicta ecclesia de Scypwyth in ecclesia de Houedene sit prebenda inperpetuum et ibidem in numero prebendarum computetur et jure prebende censeatur et quod dicte prebende prebendarius qui pro tempore fuerit habeat suis sumptibus presbiterum ydoneum in dicta ecclesia de Houedene in habitu canonicali ministrantem secundum quod alii ejusdem ecclesie habent canonici eidem prebendario tercium locum ex parte boreali in choro assignantes ita tamen quod de proventibus magni altaris qui quinque canonicorum usibus nunc tantummodo deputantur sibi absque voluntate et consensu eorundem expresso nichil penitus valeat vendicare Volumus eciam et ordinamus quod dictus prebendarius in prebenda predicta de Scypwyth perpetuum habeat vicarium ibidem personaliter residentem qui circa curam vigilet animarum cui vicario ad sui sustentacionem congruam assignamus omnes oblaciones quascumque obvenciones proventus altaris de Scypwyth et capelle ad eandem ecclesiam de Scypwyth pertinentis et omnes alias minutas decimas videlicet lane agnorum vitulorum casei lini canabi molendinorum que modo sunt in parochia vel in posterum erunt et duas bovatas terre de Duffelde cum omnibus suis ubicumque pertinenciis et omnes alias decimas tocius parochie preter decimas prediales videlicet garbarum et preter decimam feni de Duffelde Decimam autem feni de Menthorp et de Scypwyth necnon et mortuaria cum in dicta parochia inciderint ad dictum vicarium volumus pertinere Ad hec predictus vicarius omnia onera ordinaria predicte prebende et capelle de Duffelde incumbencia supportabit preter onera procuracionis solite domino priori Dunelmensi exhiberi cum ipsum dictam ecclesiam contigerit visitare et annue pensionis unius marce de dicta ecclesia dictis priori et conventui persolvende que semper prebendarii qui pro tempore fuerint sustinebunt Preterea volumus et ordinamus quod dicte annua pensio visitacio et procuracio et omnia alia jura et libertates que prior et conventus Dunelmenses in dicta ecclesia de Scypwyth hactenus habuerunt eis impostorum integra conserventur et illesa ita eciam quod tam ad predictam vicariam quam ad prebendam cum eas qualitercumque vacare contigerit tanquam earundem veri patroni nobis et successoribus nostris libere valeant et debeant presentare Volumus insuper quod magister Willelmo de la Corner dicte prebende prebendarius competentem aream predicto vicario assignet in qua domos sibi competentes ejusdem Willelmo sumptibus valeat construere que quidem domus et area ad vicariam perpetuo pertinebunt Hanc autem ordinacionem concurrente consensu capituli nostri ad honorem Dei et ecclesie Christi factam statuimus perpetuis temporibus inviolabiliter observandam auctoritate dignitate et potestate nostra ecclesie Eboracensis et successorum nostrum in omnibus semper salvis In cujus rei testimonium presentes litteras nostro ac capituli nostri Eboracensis pariter et sigillis parcium premissarum fecimus communiri Datum apud Killum viii Kalendas Februarii Anno Domini MCCLXXIX et pontificatus nostri primo