Charter Document - 07030553
| Charter Number: | 07030553 |
|---|---|
| Cartulary Title: | The Register of William Wickwane, Lord Archbishop of York, 1279-1285 |
| Charter Language: | Latin |
| Charter Origin: | Religious |
| Charter Type(s): | Order |
| Date: | 1282 |
| Date type: | Assigned |
| Resource Link(s): |
Borthwick Institute - Register 3 (f50v) |
Charter:
W[illelmus] [] Descendit pastor [] excelsus ovem querere perditam et ultro medicus salutaris venit ad egrum ut idem pastor et medicus ovem ad ovile suis humeris reportaret et egri langores pariter et dolores ferret medicinaliter in se ipso Summi itaque pastoris exemplum sanctissimum quatenus humana sinit fragilitas piis visceribus amplectentes ecce Ricardum de Witewelle concanonicum vestrum exhibitorem presencium qui post vaga seculi curricula quibus se miserabiliter exposuit sinum consciencie jam subintrans ad claustrale gremium redire appetit regularis discipline injuncta humiliter subiturus ad religiose mansuetudinis vestre debitum remedium decrevimus remittendum devocionem vestram in virtute sancte obediencie attencius exhortantes quatinus prefato fratri vestro ad vos contritus declinanti aperiatis viscera pietatis ipsum sicut ordini et regulari discipline convenit suspenso rigoris conamine salubriter pertractetis Vestram siquidem honestatem decere attendimus pecoris vestri vultum agnoscere et errantem oviculam ad ovile proprium alacri promptitudine revocare ne dis criminosus ejusdem ovis vestre interitus de vestris manibus finaliter Quid autem feceritis in premissis nobis oportunius rescribatis Datum apud Lanum xiiii Kalendas Decembri