Charter Document - 07030550
| Charter Number: | 07030550 |
|---|---|
| Cartulary Title: | The Register of William Wickwane, Lord Archbishop of York, 1279-1285 |
| Charter Language: | Latin |
| Charter Origin: | Religious |
| Charter Type(s): | Licence |
| Date: | 1281 |
| Date type: | Internal, A.D., Feast |
| Resource Link(s): |
Borthwick Institute - Register 3 (f50r) |
Charter:
Reverendo patri ac domino patronoque suo domino W[illelmus] Dei gracia [] subprior Augustaldensis et ejusdem loci conventus salutem et obedienciam cum reverencia tam debita quam cum honore devota Cum ecclesia nostra per mortem bone memorie domini Henrici quondam prioris nostri pastoris solacio sit destituta dominacioni vestre ad petendum a vobis licenciam eligendi nobis priorem confratres et concanonicos nostros Willelmum del Clay et Ricardum de Tyveringtone transmittimus quanta possumus affeccione pie paternitati vestre supplicantes quatinus licenciam eligendi priorem nobis juxta morem liberaliter et benigne concedere velitis In cujus rei testimonium presentes litteras sigillo communi signatas vobis transmittimus Valeat [] Datum In capitulo nostro Die Mercurii ante festum Purificacionis Beate Marie Anno gratie MCC octogesimo