Charter Document - 07030527
| Charter Number: | 07030527 |
|---|---|
| Cartulary Title: | The Register of William Wickwane, Lord Archbishop of York, 1279-1285 |
| Charter Language: | Latin |
| Charter Origin: | Religious |
| Charter Type(s): | Sale |
| Date: | 1282 |
| Date type: | Internal, Calendar, Episcopal |
| Resource Link(s): |
Borthwick Institute - Register 3 (f48v) |
Charter:
Suo officiali Ebor [] Fructus ecclesie de Rouley instantes Johanni de Hortone clerico dilecti nobis Gilberti de Thornetone si priusquam has litteras receperitis per vos distracti non fuerint per xi libras sterlingorum vendidimus ad instanciam predicti Gilberti quem gratum utique reputamus Proinde volumus et mandamus quod de omnimodis fructibus et proventibus ecclesie ejusdem predicto clerico ex nunc usque ad proximum festum Pentecostes faciatis integraliter responderi ammoto ab ipsa ecclesia cum omni celeritate qua poteritis quolibet intrusore Pro securitate quidem de predicta pecunie summa nobis facienda contenti erimus quod prefatus Gilbertus per scriptum suum competenter se obliget quod pecuniam ipsam in festis Purificacionis Beate Virginis et Pentecostes proximo futuris pro equalibus porcionibus nobis solvet proviso quod idem clericus tam onera ordinaria quam extraordinaria medio tempore incumbencia subeat et ipsi ecclesie per ministros ydoneos faciat de serviri Datum apud Patringtone vii Kalendas Julii pontificatus nostri anno tercio