Charter Document - 07030508
| Charter Number: | 07030508 |
|---|---|
| Cartulary Title: | The Register of William Wickwane, Lord Archbishop of York, 1279-1285 |
| Charter Language: | Latin |
| Charter Origin: | Religious |
| Charter Type(s): | Recommendation |
| Date: | 1280 |
| Date type: | Internal, A.D., Calendar, Episcopal |
| Resource Link(s): |
Borthwick Institute - Register 3 (f48r) |
Charter:
W[illelmus] permissione divina Ebor Archiepiscopo Anglie primas predilectis et confidentibus sibi in Christo universis suffraganeis abbatibus prioribus archidiaconis officialibus decanis ecclesiarum rectoribus et vicariis Eboracensis provincie et dyoecesis et cunctis subditis tam exemptis quam non exemptis salutem in Auctore salutis cum Dei et nostra benediccione Ad incrementum meriti et ad animarum vestrarum profectum fructiferum et munimen corda vestra excitare pro viribus fervide affectamus Quocirca nuncios et negocia hospitalis Sancti Jacobi de Alto passu que complectimur in intimis cordis nostri caritati et devocioni vestre juxta vires votivas litterarum papalium et mandata meritoria officialis nostri Eboracensis recommendamus in affectibus et visceribus Redemptoris vobis nihilominus in virtute obediencie stricte injungentes quatinus dicta negocia secundum tenorem litterarum paparium et officialis nostri predicti ad exaudicionis graciam et graciosam efficaciam admittatis et commodum meritorum optentu Dei quantum poteritis procuretis Speramus enim quod in grata complecione hujus rei vobis in extremo judicio retribucio placide rependetur Valete Datum apud Burtone [] iiii Kalendas Aprilis anno domini MCC octogesimo et pontificatus nostri anno primo