Charter Document - 07030507
| Charter Number: | 07030507 |
|---|---|
| Cartulary Title: | The Register of William Wickwane, Lord Archbishop of York, 1279-1285 |
| Charter Language: | Latin |
| Charter Origin: | Religious |
| Charter Type(s): | Mandate |
| Date: | 1279 - 1285 |
| Date type: | Assigned |
| Resource Link(s): |
Borthwick Institute - Register 3 (f47v) |
Charter:
Officiali nostro Ebor salutem gratiam et benedictionem Thomas de Qualley monachus de Seleby nuper noctis silencio quiescentibus monachis a monasterio clam recessit equos domus abducendo et bona alia ejusdem monasterii asportando nequiter et furtive propter quod prior domus quem ibidem prefecimus de consilio et consensu conventus ipsum in scriptis excommunicavit et petit quod nos intuitu sancte religionis ipsum tanquam monachum fugitivum publice et solempniter excommunicatum nunciari quousque ad cor rediens bona asportata restituat et absolucionis beneficium meruerit optinere Volentes igitur annuere suis precibus ut tenemur vobis mandamus quatinus dictum Thomam et omnes suos complices et fautores in locis solemnibus singulis diebus Dominicis et festivis ubi expedire videritis tam diu publice et solempniter denunciari faciatis excommunicatos donec aliud a nobis receperitis in mandatis