Charter Document - 07030505
| Charter Number: | 07030505 |
|---|---|
| Cartulary Title: | The Register of William Wickwane, Lord Archbishop of York, 1279-1285 |
| Charter Language: | Latin |
| Charter Origin: | Religious |
| Charter Type(s): | Mandate |
| Date: | 1280 |
| Date type: | Internal, Calendar, Episcopal |
| Resource Link(s): |
Borthwick Institute - Register 3 (f47v) |
Charter:
W[illelmus] permissione divina [] Dilecto [] Suo Officiali Eboracensi Audivimus idque turbati referimus quod cum dudum quendam apparitorem Christianitatis Eboracensis utpote subditis nostris onerosum innocentes et immunes occasione questus extorquendi dampnabiliter ut intelleximus deferentem et alias nobis non sine justa racione suspectum ab officio memorato duxerimus ammovendum idem nescimus cujus auctoritate in contemptum nostrum pariter et offensam jam in idem officium se ingerit et intrudit Quocirca discrecioni vestre injungimus et mandamus quatinus dictum apparitorem sic se nequiter ingerentem ab officio hujusmodi amoventes subditis nostris in pleno loci capitulo propter id specialiter convocato ne eidem ut predicti officii nostri ministro intendant decetero sed pocius et precise consueto servienti nostro et diucius approbato inhibeatis striccius vice nostra omnes et singulos jurisdiccionem nostram impedientes premissis monicionibus legitimis excommunicatos facientes in genere nunciari Valete Datum apud Cawode iiii Idus Januarii pontificatus nostri anno primo