Charter Document - 07030490
| Charter Number: | 07030490 |
|---|---|
| Cartulary Title: | The Register of William Wickwane, Lord Archbishop of York, 1279-1285 |
| Charter Language: | Latin |
| Charter Origin: | Religious |
| Charter Type(s): | Order |
| Date: | 1281 |
| Date type: | Internal, Calendar, Episcopal |
| Resource Link(s): |
Borthwick Institute - Register 3 (f46v) |
Charter:
Suo magistro Willelmo de Bolingtone salutem [] Causam nostram in Anglie jam cernimus veraciter agitandam Proinde ordinato procuratore competenti cui certum salarium interim constituti volumus donec aliud providerimus qui pro nobis impetret et in audiencia contradicat satisfactoque aliis procuratoribus predecessoris nostri qui nos impediunt et presertim Symoni procuratori nostro cum quo pro quadraginta solidis convenimus quicquid dixerit quatenus prudencius redimere poteritis et mercari ad propria redeatis nisi specialia negocia vestra vos occupent seu retardent proviso quod a procuratoribus quibus satisfeceritis antiqua procuratoria eorundem vobis restituantur in presencia auditoris cujus litteras habetis super eo quod procuratoribus ipsis sic est nostro et predecessoris nostri nomine satisfactum Teneatis attamen pro constanti quod predicto Symoni procuratori in xl solidis per nos ipsos in creacione nostra et in xx solidis per manus Thome de Sancto Botulfo clerici nostri est plenaria satisfactum prout per publicum instrumentum super satisfaccione hujusmodi confectum quod penes nos residet poterit edoceri Datum apud Cawode iiii Idus Decembri pontificatus nostri anno tercio