Charter Document - 07030487
| Charter Number: | 07030487 |
|---|---|
| Cartulary Title: | The Register of William Wickwane, Lord Archbishop of York, 1279-1285 |
| Charter Language: | Latin |
| Charter Origin: | Religious |
| Charter Type(s): | Threat |
| Date: | 1281 |
| Date type: | Internal, Calendar, Episcopal |
| Resource Link(s): |
Borthwick Institute - Register 3 (f46v) |
Charter:
Suo magistro Hugone de Patringtone Industriam vestram quam alio minime elegimus excitante fructuosam reperimus ac intimis affectibus approbamus Rogamus quatinus unacum magistris W[illelmo] et R[adulpho] promocioni negociorum nostrorum in Curia intendere velitis quociens vacaveritis oportune Callidos siquidem habemus pro parte Dunelmensi promotores qui nobis in Curia adversantur quorum versuciis occurrere studeatis prudencius et cautelis ne nos fallant adversarii qui falsis suggestionibus potissime inherentes causam protrahi cupiunt contra justiciam et procurant quam pro nobis jus commune determinat evidencius et declarat Et nos vobis teneri volumus ad commoda pro meritis et honores Datum apud Cawode x Kalendas Novembri pontificatus nostri anno tercio