Charter Document - 07030485
| Charter Number: | 07030485 |
|---|---|
| Cartulary Title: | The Register of William Wickwane, Lord Archbishop of York, 1279-1285 |
| Charter Language: | Latin |
| Charter Origin: | Religious |
| Charter Type(s): | Order |
| Date: | 1281 |
| Date type: | Internal, Calendar, Episcopal |
| Resource Link(s): |
Borthwick Institute - Register 3 (f46r) |
Charter:
Magistro Willelmo de Bolingtone [] Gratam dilecti nobis magistri Roberto de Tadecastria diligenciam quam circa nostra negocia procuranda adhibet sicut scimus corditer acceptantes volumus quod pecuniam quam pro salariis advocatorum et aliis quibuscumque idem nomine nostre utiliter erogavit eidem numeretis quam cicius et solvatis proviso quod vos ipsi de consilio predicti Roberto salaria decetero constituatis et solus pecuniam numeres quociens fuerit persolvenda Vobis siquidem pecuniam nostram commisimus et eam per manus vestras volumus erogari Ceterum circa negocia nostra procuranda diligenter et circumspectus insistatis attendentes quod subdolos adversarios habetis in Curia et fallaces quorum versuciis obviare studeatis et caucius precavere ne vos decipiant in vestri vituperium et nostri dispendium quod nollemus Littere recommendati cie quas cardinalibus dirigimus per vos et magistrum Roberto singule singulis porrigantur quibus pro negociis nostris vos familiariter ostendatis et presertim dominis Hugone Jordano et Ancero quociens tempora videritis oportuna adeo quod vestra prudencia nobis relevamen afferat et vobis teneamur ex merito ad commoda repensavi Ad hec quia dominus Hugone cardinalis scripserat nobis quod videbatur sibi expediens controversiam inter ecclesiam Eboracensem et Dunelmennsem per viam compromissi finaliter terminari rescripsimus eidem inter cetera quod si de capituli nostri processerit assensu et viri idonei communes amici recipiantur in quos valeat compromitti placebit nobis quantum in nobis est questionem hujusmodi sic sopiri Verumtamen deliberabimus et quod videbitur nobis alias consulcius rescribemus et vos quo zelo hec audiveritis procurari nobis quam cicius facultas se obtulerit rescribatis Litteras Tusculani per magistrum Thomam de Corbrigge propter persone noticiam eidem porrigi volumus et mandamus Si causa nostra in Anglie debeat agitari procuretis modis omnibus quod hec rescripto clausula adiciatur videlicet quod infra certum tempus instructa vel non instructa ad Curiam remittatur Datum apud Cawode x Kalendas Novembri pontificatus nostri anno tercio