Charter Document - 07030484
| Charter Number: | 07030484 |
|---|---|
| Cartulary Title: | The Register of William Wickwane, Lord Archbishop of York, 1279-1285 |
| Charter Language: | Latin |
| Charter Origin: | Religious |
| Charter Type(s): | Mandate |
| Date: | 1281 |
| Date type: | Internal, Calendar, Episcopal |
| Resource Link(s): |
Borthwick Institute - Register 3 (f46r) |
Charter:
Amantissimo et confidenti in Christo filio salutem cum benediccione et gracia Salvatoris Providam et circumspectam diligenciam circa nostra et ecclesie nostre communia negocia promovenda cujus membrum eminens cerni minii et famosum adhibere studeatis sollicita promptitudine et cautela Habent siquidem adversarii nostri Dunelmenses contra partem nostram in Curia promotores qui ecclesie nostre jura per frustratorias impetraciones subvertere molliuntur fraudulencius et differre dum jus nobis competere existimant cui resistere non poterunt recto tramite prout sciunt quibus obviare oportet vigilancius et prudenter ne nos circumveniant quod absit aliqualiter ad quod student cum id ad vestri vituperium et ecclesie nostre incommodum cederet luctuosius et discrimen Ceterum statum Curie et cause nostre unacum beneplacito vestro nobis quociens facultas se obtulerit rescribatis Litteras re commendaticias pro procuratoribus nostris quas domino Tusculano dirigimus eidem per vos porrigi volumus et rogamus quem sollicitare curetis ut causam nostram foveat vestri obtentu favorabilius et supportet Datum apud Cawode x Kalendas Novembri pontificatus nostri anno tercio