Charter Document - 07030483
| Charter Number: | 07030483 |
|---|---|
| Cartulary Title: | The Register of William Wickwane, Lord Archbishop of York, 1279-1285 |
| Charter Language: | Latin |
| Charter Origin: | Religious |
| Charter Type(s): | Acknowledgment |
| Date: | 1281 |
| Date type: | Internal, A.D., Calendar, Episcopal |
| Resource Link(s): |
Borthwick Institute - Register 3 (f46r) |
Charter:
Reverendo [] W[illelmus] [] intime dileccionis affectum cum gracia Salvatoris Solida confidencia quam de vobis tanquam de nobis altero reportamus nos excitat et impellit ut vestro obtemperemus consilio in hiis que ecclesie nostre dignitatem contingere cernimus quam grato patrocinio jugiter supportatis Ecce itaque pater predilecte vestris persuasionibus inherentes si tamen capitulum nostrum consenserit acceptamus quod causa inter nos et Dunelmenses per viam composicionis amicabilis dirimatur prout per litteras nostras harum datam paullulum precedentes vobis significavimus quarum serie distinccius exposuimus votum nostrum Sane hiis qui de nobis querelas deponunt in Curia et confingunt pater credere non oportet pro eo quod neminem scienter opprimimus nec contra justicium gravamus ex proposito novit Deus quamobrem miramur nec procul dubio sufficimus admirari quid pro archidiacono Eboracensi vobis prebuit materiam sic scribendi quem nobis benivolum censuimus et amicum nec presertim cum licet studiose voluerimus advertere non possumus in quo eum offenderimus indebite seu molestamur minus juste Sed ecce hoc forsan causam prestitit conquerendi quod de rotulis capitulorum ruralium vobis adhuc apud Eboracum conversantibus si recolitis pro nostra jurisdiccione disposuerimus conservanda prout ab antiquo invenimus ordinatum nec dissimulare possumus absque periculo sicut scitis quin jura ecclesie nostre debitis tueamur conatibus ac pro viribus defendamus Hujusmodi igitur delatoribus aures claudi petimus decetero qui vos fallunt Ceterum ad efficax fulcimentum bajulacionis per totam Angliam crucis nostre aliquid impetrare studeatis quod nomen vestrum in Eboracensi ecclesia perpetret laudabiliter et commendet et instrumenta nostra crucem ipsam contingencia que penes vos resident ut novistis nobis remittere velitis pro vestro beneplacito quando libet Curiales quidem antequam a Curia recesserimus singulos visitaverimus juxta gradus sicut camerarius domini pape nobis qui modum visitandi non novimus injunxerat per ordinem et predixit Datum apud Cawode x Kalendas Novembri anno gratie MCC octogesimo primo et pontificatus nostri anno tercio