Charter Document - 07030481
| Charter Number: | 07030481 |
|---|---|
| Cartulary Title: | The Register of William Wickwane, Lord Archbishop of York, 1279-1285 |
| Charter Language: | Latin |
| Charter Origin: | Religious |
| Charter Type(s): | Request |
| Date: | 1281 |
| Date type: | Assigned |
| Resource Link(s): |
Borthwick Institute - Register 3 (f46r) |
Charter:
Venerabili in Christo patri [] W[illelmus] [] Ad grates pater reverenter assurgimus pro impensis beneficiis Eboracensis ecclesia non inmerito et consurgit quam gratanter supportatis ut filius ac viriliter in adversis protegitis ut patronus Ecce siquidem pater amicissime clamant procuratores nostri per nuncios scribunt nobis per epistolas et predicant inter notos quod pro ecclesia nostra voluntarios labores assumitis fervencius et sudores dum pro ea certare non desistitis quam Dunelmensis ecclesia ut privigna effrontes aggreditur que se filiam profitetur quam ancilla persequitur que domine erectis cervicibus parere renuit in facie et contempnit Petimus igitur pie pater quatinus ad tantam Dunelmensis ecclesie insolenciam reprimendam conceptum favorem feliciter continuare velitis nostri intuitu et ecclesie quam fovetis procuratores nostros solita si placet benivolencia acceptantes et nos gratos habebitis favente Altissimo et devotos in hiis que cesserint votis vestris Conservet []