Charter Document - 07030480
| Charter Number: | 07030480 |
|---|---|
| Cartulary Title: | The Register of William Wickwane, Lord Archbishop of York, 1279-1285 |
| Charter Language: | Latin |
| Charter Origin: | Religious |
| Charter Type(s): | Request |
| Date: | 1282 |
| Date type: | Internal, Calendar, Episcopal |
| Resource Link(s): |
Borthwick Institute - Register 3 (f45v) |
Charter:
Reverendo [] Willelmus [] Gaudemus et dum prospera de vobis recepimus hilaritate refecti assurgimus applaudentes ac de celebritate fame vestre presertim que placido crebrescente rumore floridis pululat incrementis geminata leticia nos circuit et intime refocillat sperantes quinimmo veraciter intuentes quod ad communis ecclesie nostre Eboracensis cujus jura lacerantur hodie capciosius et turbantur solidam reparacionem et inexpugnabile fulcimentum vos plantavit Dominus juxta universalis ecclesie principem et patronum eminencius et prefecit Rogamus itaque piissime pater devotissime et instancius quatinus negocia ecclesie ejusdem que ad recenciorem memoriam vobis vicibus recommendamus iteratis quin pocius de sinceritate zeli vestri confisi plenius ea in integri sinus vestri receptaculo recondita credimus et tenemus promovere velitis efficaciter et mature Absit etenim quod persecutores ecclesie nostre que tanti membri presidio pollet clarius insignita eam in vestris conspectibus derisorie deprimant et conculcent Et si quid pater velitis quod possimus ecce ad vestra beneplacita totus vester Conservet [] ecclesie sue sancte et maxime Anglicane Deus per tempora diuturna Datum apud Lanum ii nonas Septembri pontificatus nostri anno tercio