Charter Document - 07030474

Reverentissimo precipuo et precordiali in Christo patri domino Hugone de Evesham Dei providencia tituli Sancti Laurencii in Lucina presbitero cardinali suus devotissimus sacerdos W[illelmus] [] se totum visceraliter ad vota cum omni reverencia et oracionum instancia erga Deum Letus dolor in lamentabili gaudio nobis in vestre creacionis gracia jam erupit et dum [vestram] acerbe deplangimus elongacionem de gradu et solio celsiori haustum celebrioris leticie resumimus sine planctu Vobis enim sancta mater ecclesia quam opere jugiter studio et labore hactenus extulistis merita vestra non solum per Dei graciam temporaliter recompensat sed vos ad majora sicut confidimus eternaliter conservat et utinam hoc sustineat et attribuat novus aer corporis conservacioni Satis sufficitis Deo dante sed fortassis animam insueta et imposita occupacio interdum nisi meditantur mentem rexeritis aliquantisper fatigabat Sed ad hec tucius subiciemus quia forte improvide et presumptuose ponimus os in celum verumtamen secure et libere loquitur verus amor Pater reverende in honoribus et negociis nostre Eboracensis ecclesie eo confidencius ad presidia pietatis vestre amodo confluamus quo vobis operosis et votivis viribus sine ficcione qualibet realiter cupimus complacere et vestros cum advenerint in cunctis que poterimus gratanter et hilariter supportare Ceterum amantissime pater hoc presertim vobis si placet reducimus ad memoriam ut ad nullius supplicatorium vel imperiosam instanciam aliquas cociones vel lectu aria in hospicio vestro permittatis componi ne quivis eventus vestre quod absit domui imputentur suffragari tamen poteritis et consulere sicut scitis dummodo alii dominancium quin pocius circa pacientes principaliter operentur De apicibus vestris gaudium concipimus et merorem Gracias tamen et grates corde referimus grato patri qui nos et ecclesiam nostram Eboracensem et totum regnum Anglicanum per talia rumorum de solamina sub sperandis solaciis et suffragiis refecistis In bajulacione crucis nostre per Angliam quam ignominiose Eboracensis et Cantuariensis ecclesie frequencius cruciantur per collusionis preteritas bene nostis Unde pro amore Crucifixi in forma alias adinvicem prelocuta aliquid securitatis ad instar autentice littere quam vobis tradidimus vel sub competenciori cautela si poteritis sicut constans benivolus procuretis et annuat nobis Altissimus quod ad exaltacionem nominis et fame vestre ipsius crucis et Crucifixi obprobrium per industriam vestram sub aliqua pacis semita sopiatur et mereri poteritis in immensum Et forte istud opus meriti vobis et non aliis qui vos hactenus precesserunt Deus signanter ad gracie cumulum reservavit Datum apud Grenton xiii Kalendas Julii Anno gratie MCC octogesimo primo et pontificatus nostri anno secundo