Charter Document - 07030468

Primo scripte erant bulle per quas dominus cognoscebat auctoritate apostolica de falsaria de verbo ad verbum cum data et postmodum cetera in forma que sequitur Quarum autem auctoritate litterarum predictos abbatem de Pratis Leycestrie et magistrum Johannem Clarelle canonicum ecclesie Suwellensis unico edicto pro tribus spacium trium edictorum continente legitime feceram evocari quod in manerio de Cawode xj kalendas Januarii termino illo eis peremptorie assignato coram me compararent litteras quasdam super visitacione correccione ac reformacione in monasterio de Seleby facienda ac super remissione seu negligencia Walterus bone memorie inmediate predecessoris mei circa correccionem in predicto monasterio faciendam inquirenda dictis abbati de Pratis Leycestrie ac Johanni Clarelle directas et per predictum fratrem Willelmum de Stormesworthe monachum de Seleby ut dicitur impetratas quibus tam dictus abbas quam predictus Johannes publice usi fuerant fideliter exhibituri eundem quoque fratrem Willelmum ad eundem terminum citari fecissem sed nec tunc in monasterio suo de Seleby morabatur nec quo alibi moram traheret a fratribus ipsius monasterii sciebatur In assignato quidem termino predictus abbas de Pratis Leycestrie per procuratorem legitimum ac predictus Johannes personaliter coram me constituti injuncto eis auctoritate Sedis Apostolice quod litteras de quibus premittitur michi exhiberent et traderent easdem ut sic exequi possem id quod ab eadem Sede receperam in mandatis pro parte sua proponebant quod litteras transcripto in litteris ab Apostolica Sede transmissis contento circum cumqueque concordes nec receperant nec habebant Litteras tamen quasdam prima facie apostolicas a predicto fratre Willelmum impetratas ut dicebant quas veras esse et processum coram ipsis abbate videlicet et Johanne memoratis litterarum hujusmodi auctoritate habitum bonum et veracem esse credebant quondam habuerant sed tunc nec litteras illas habebant nec dolo possidere desierant ut dicebant fidelem tamen diligenciam pro eis adquirendis se exhibituros promittebant que omnia prestito firmaverant corporaliter juramento Transcripta tamen litterarum per predictum fratrem Willelmum impetratorum et processum in parte coram dictis abbate et Johanne auctoritate illarum litterarum habitum michi exhibebant sub sigillis bone memorie W[alterus] inmediate predecessoris mei ac magistri Thome archidiaconi Eboracensis licet sigilla illa tempore exhibicionis michi facte diruta fuissent ita quod vix modicum de sigillis integrum remaneret Adjecit insuper idem Johannes pro se quod postquam frater Thomas tunc abbas de Seleby contra quem hujusmodi littere fuerant impetrate et contra quem tam dictus abbas de Pratis [] quam dictus Johannes litterarum ipsarum auctoritate processerant ut dicebant litteras ipsas falso fabricatas et de falso suspectas proposuerat coram eis idem Johannes litteras ipsas sic suspectas cuidam cujus nomen ignoravit ut dicebat qui tamen se esse nuncium dicti abbatis de Pratis Leycestrie asserebat bona fide tradiderat Sedi Apostolice presentandas ut nuncius ille Sedem consuleret eandem super litteris memoratis nec litteras ipsas ab eo tempore receperat vel habuerat et hoc sub juramento prestito firmiter asserebat Demum ut deliberato consilio procederem in premissis et ulteriorem veritatem inquirerem de eisdem diem alium videlicet nonas Januarii in dicto manerio de Cawode predicto procuratori dicti abbatis et domino suo abbati in persona ejusdem procuratoris prefixi ad presentandum se coram me et faciendum ac recipiendum quod justicia suaderet eundem quoque fratrem Willelmum litterarum hujusmodi impetratorum qui ad partes monasterii sui de Seleby recenter venerat ut dicebatur citari feceram peremptorie quod predictis termino et loco coram me compareret litteras predictas predicto abbati de Pratis Leycestrie ac predicto magistro Johanni directas et per eundem fratrem Willelmum ut dicitur impetratas si forsan haberet easdem fideliter exhibiturus Predictis vero termino et loco dictis abbate et Johanne abbate videlicet per procuratorem ac Johanne personaliter coram me judicialiter constitutis predicto fratre Willelmo se contumaciter absentante idem procurator et Johannes assidue requisiti quod litteras ipsas exhiberent respondebant omnino prout superius est expressum hoc adjecto ex parte dicti Johannis quod nuncius ille cui litteras ipsas tradiderat Sedi ut premittitur Apostolice deferendas Robertus de Leycestria vocabatur a quo nunc nuncio fidele juramentum receperat quod litteras ipsas pro Sede Apostolica consulenda eidem Sedi fideliter presentaret Et licet tractus negocii per longam moram aliquantulum me gravaret ne tamen veritas ipsa remaneret indiscussa adhuc pro habenda presencia dicti fratris Willelmus quem pro sua contumacia puni eram ut debebam dicto abbati in persona procuratoris sui et dicto Johanni in persona sua diem prefixi videlicet ij idus Februarii ut tunc michi [se] presentarent justiciam recepturi Et ad eundem terminum eundem fratrem Willelmus iterato vocari feceram in forma superius annotata Illo siquidem termino dicto abbate per procuratorem ac predictis Johanne et fratre Willelmo personaliter coram me judicialiter apud Kirkeby constitutis idem frater Willelmus duo paria exhibuit litterarum quas ipse idem apud Sedem Apostolicam constitutus ab eadem Sede impetraverat ut dicebat et quas coram dictis abbate de Pratis Leycestrie et Johanne Clarelle prosecutus fuerat contra fratrem Thomam tunc abbatem monasterii de Seleby procuratore dicti abbatis de Pratis Leycestrie nomine domini sui et dicto Johanne suo nomine expresse confitentibus litteras hujusmodi per eundem fratrem Willelmus exhibitas esse litteras quarum auctoritate processerant contra dictum abbatem de Seleby et quibus usi fuerant contra eundem et contra quosdam alios monachos ejusdem monasterii de Seleby utpote citando monendo excommunicando et alia quam plurima faciendo adicientibus insuper quod auctoritate unius de predictis duabus litteris per predictum fratrem Willelmus ut dicebant impetratis videlicet illius littere que super negligencia remissione ac corrupcione bone memorie W[alterus] predecessoris mei immediati impetrata dicebatur ad unicam citacionem tantummodo processum extiterat ut dicebant Et dum ista coram me taliter tractarentur ecce quidam presbiter qui se nominabat Johannem de Norhamptone litteram quamdam prima facie apostolicam quam ipse idem presbiter impetraverat ut dicebat ac predictis abbati de Pratis Leycestrie et Johanni directam exhibuit et michi tradidit eandem inter cetera continentem quod dicti abbas et Johannes in visitacionis officio in predicto monasterio per eosdem inchoato procederent secundum continenciam priorum litterarum eis directarum et si propter dolum potenciam seu maliciam id exequi non possent tunc tam ego quam dicti abbas et Johannes michi associati in negocio predicto procederemus secundum continenciam predictarum litterarum Verum quia tam littere per prefatum fratrem Willelmum exhibite quam eciam illa que per dictum presbiterum exhibebatur michi de falso suspecte fuerant vehementer ipsas ut plenius examinarem easdem penes me retinui prefigens singulis videlicet tam procuratori dicti abbatis et domino suo in persona ipsius quam eciam Johanni Clarelle fratri Willelmum de Stormesworthe ac Johanni de Normantone presbitero diem alium videlicet vij idus Marcii ad comparendum coram me justiciam recepturis Illo vero termino predictis abbate et Johanne per procuratores ac fratre Willelmo personaliter coram me apud Wyltone constitutis dicto presbitero se contumaciter absentante dicti procuratores quasdam litteras michi exhibebant patentes quibus predicti domini sui me rogarunt ut predicta tria paria litterarum ut dicebant apostolicarum michi exhibita eisdem transmitterem ut in dicto visitacionis officio inchoato in monasterio de Seleby memorato procedere possent juxta tenorem litterarum earundem Eisdem tamen sic petentibus nullatenus annuens in hac parte quia litteras predictas postquam examina veram easdem non tam in bulla filo forma dictaminis quam in aliis circumstanciis prout conveniens videbatur vehemencius quam prius habueram de falso suspectas predictum fratrem Willelmum litterarum hujusmodi exhibitorem retineri feceram et in secura custodia habeo sic detentum donec a sancta Sede Apostolica receperimus qualiter tam contra ipsum quam contra alios qui litteris ipsis usi sunt fuerit procedendum precipue cum littere per predictum fratrem Willelmum exhibite transcripto in litteris michi ab Apostolica Sede transmissis contento non concordent omnino per quas sic michi transmissas si concordia tunc inde extitisset prout non extitit certam ab eadem Sede formam receperam procedendi Contra presbiterum vero memoratum licet littera per illum exhibita michi suspecta fuisset vehementer quia tamen post exhibicionem littere hujusmodi coram me nunquam comparuerat nec in partibus ipsis inventus fuerat procedere ad aliud non valebam preterquam ad suam contumaciam prout potui puniendam Sanctissime igitur paternitati vestre predicta duo paria litterarum per predictum fratrem Willelmum de Stormesworthe michi traditarum de quarum una postquam litteras ipsas receperam plumbum cum inferiori parte fili relicta ab ipsa cecidit repentine transcripta eciam earundem litterarum cum quadam parte processus habiti per easdem per procuratorem dicti abbatis de Pratis Leycestrie et per dictum Johannem tunc presentem michi exhibita et tradita ut superius est expressum litteras eciam illas patentes quibus dicti abbas et Johannes Clarelle super predictis litteris eisdem restituendis et transmittendis me rogarunt cum littera illa ad instruccionem negocii saltem quoad probacionem usus litterarum ante dictarum aliquantulum facere videatur litteram insuper per predictum Johannem de Norhamptone presbiterum michi exhibitam et traditam unacum litteris presentibus processum coram me habitum fideliter continentibus partibus ipsis pro audienda relacione sancte Sedi Apostolice facienda vocatis ac viij idus Aprilis coram me apud Burtone comparentibus per procuratores sufficienter datos relacione coram ipsis procuratoribus recitata et copia eis facta deliberacioneque plena subsecuta relacionem hujusmodi in nullo causantibus sed eidem expresse consencientibus per magistrum Thomam exhibitorem presencium nuncium meum et clericum specialem transmitto a vestra sancta paternitate expectans quid vobis placuerit ulterius fieri de premissis Datum []