Charter Document - 07030462

Willelmus permissione [] Dilectis in Christo filii Domino Gilbertus sub decano Eboracensi et magistro Roberto de Pickeringe legum professori Intuentes statum miserum et deformem Dunelmensis ecclesie suffraganee nostre que sub umbra pastoralis regiminis ruit hodie proch dolor desolata dum fugiente pastore mercenario relictis ovibus et neglectis non est qui curam in spiritualibus ejus agat quinimmo exulant apud eam justicie tramites et populus cui in justicia requirenda intendere debeat titubat penitus et vacillat tanto diligencius hiis manum apponere censuimus adjutricem quanto curam predicte dyoecesis ad nos in casu negligencie prima facie devolutam periculosius deserere possumus seu conniventibus oculis pertransire Cum itaque sicut publica fama recepimus deferente magistri Roberto Avenelle Rogerus dictus Comes et Willelmus de Sancto Quintino ut populum decipiant nostraque mandata canonica contemptibiliter eludant alternatim officiali ac Dunelmensis episcopi vicario sese subrogant adeo quod discerni non poterit cui eorum officia litatis seu vicarie officium competit pocius seu incumbit sicque dum mandata nostra omnibus offeruntur vel singulis exequenda quolibet ab officio suo mendaciter excusante execuciones hujusmodi cessant fraudulencius et frustrantur in nostri prejudicium non modicum et contemptum discrecioni vestre firmiter injungendo committimus et mandamus quatinus predictos magistros Roberto Rogerum et Willelmum per vos vel per alium quatenus expedire videritis citetis peremptorie quod personaliter compareant coram nobis vel commissariis nostris certis diebus et locis eisdem pro vestro arbitrio assignandis super premissis videlicet quis eorum vicarius vel officialis fuerit fidem facturi plenissimam ac de contemptu et inobediencia responsuri facturi et recepturi quod postulaverit ordo juris Premissa conjunctim et divisim tenore presencium vobis committimus exequenda Super hujusmodi execucione mandati nos plenius certificetis per vestras litteras harum seriem continentes Datum apud Cawode Idibus Septembri pontificatus nostri anno secundo