Charter Document - 07030460
| Charter Number: | 07030460 |
|---|---|
| Cartulary Title: | The Register of William Wickwane, Lord Archbishop of York, 1279-1285 |
| Charter Language: | Latin |
| Charter Origin: | Religious |
| Charter Type(s): | Appointment |
| Date: | 1281 |
| Date type: | Internal, Calendar, Episcopal |
| Resource Link(s): |
Borthwick Institute - Register 3 (f38v) |
Charter:
Willelmus permissione [] Dilectis in Christo filius [] Subdecano Eboracensi et magistro Roberto de Pikering juris civilis professori clerico nostro Quia variis et arduis occupacionibus implicati hac instanti die Mercurii proxima post festum Exaltacionis Sancte Crucis Dunelmi interesse personaliter et presencialiter non valemus de vestra industria circumspecta et solida consciencia confidentes vobis in hiis que dicto die circa visitacionis nostre officium juxta citacionis continenciam nobis incumbunt correccionibus et reformacionibus nobis expressius reservatis ac in cunctis execucionibus monicionibus prefixionibus prorogacionibus premunicionibus citacionibus ac litibus et negociis nobis ad presens in Dunelmensi dyoecesi ex officio vel alias qualitercumque incumbentibus cum canonice cohercionis potestate plene committimus vices nostras Si quas autem excommunicacionis suspensionis vel interdicti sentencias occasione premissorum tuleritis in rebelles eas ratas habebimus et faciemus auctore Domino inviolabiliter observari Datum apud Cawode Idibus Septembri pontificatus nostri secundo