Charter Document - 07030459
| Charter Number: | 07030459 |
|---|---|
| Cartulary Title: | The Register of William Wickwane, Lord Archbishop of York, 1279-1285 |
| Charter Language: | Latin |
| Charter Origin: | Religious |
| Charter Type(s): | Mandate |
| Date: | 1281 |
| Date type: | Internal, Calendar, Episcopal |
| Resource Link(s): |
Borthwick Institute - Register 3 (f38r) |
Charter:
W[illelmus] permissione [] dilecto in Christo filio magistro Ade de Derlington [] de Houedon [] Cum generali visitacione nostra super clerum et populum civitatis et proprie dyoecesis nostre Eboracensis secundum statuta sanctorum patrum quantum ad nos attinet primitus expedita dis posuissemus postmodum juris ammonicione pulsati per totam provinciam nostram super clerum et populum visitacionis officium juxta juris exigenciam exercere ac sic ex quadam affeccione peculiari quam ad civitatem et dyoecesim Dunelmensem ut pote nobis viciniorem habemus illuc de liberassemus ab inicio declinare nichil aliud intendentes novit Deus nisi miseras et deceptas animas eripere medicinaliter a faucibus inimici et affeccione pia ad ovile salutis in compassionis humero reportare quia post citaciones et moniciones legitimas et salubres venerabilem fratrem notorium suffraganeum nostrum episcopum et capitulum ecclesie Dunelmensis cum quibus egimus quantum potuimus civiliter et modeste inexcusabiliter contumaces ut vituperio si ora taceamus invenimus et rebelles eundem dominum episcopum suffraganeum nostrum ac priorem subpriorem precentorem sacristam celerarium camerarium fratrem Rogerum de Methelay monachum et Willelmum de Fennum clericum ejusdem domus Dunelmensis pro eorum propriis culpis cum omnibus suis auctoribus factoribus consiliariis seu consensum aut favorem sibi vel ipsorum alicui per se vel alium clam vel palam facto vel verbo quomodo libet prestantibus in crimine sic dampnato in scriptis solempniter et publice pontificalibus induti excommunicavimus et anathematizavimus justicia exigente nihilominus in detestacionem tanti criminis pro notoria capitis majorum et aliorum ejusdem domus inobediencie apostasia ecclesiam ipsam cathedralem ecclesiastico supponentes districcius interdicto Cum itaque expediat eos sic excommunicatos publice nunciari ut iidem a Christi fidelibus arctus evitentur et per hoc rubore suffusi ad reconciliacionis affectum et humilitatis graciam facilius et celerius inclinentur te monemus ac in virtute obediencie firmiter injungendo mandamus quatinus prefatum episcopum suffraganeum nostrum ac priorem et omnes alios prenotatos sic a nobis ex causa predicta excommunicatos fore necnon ipsam ecclesiam cathedralem sic per nos ecclesiastico suppositam interdicto in ecclesiis de Houeden et Alvertone et suis capellis necnon in omnibus ecclesiis nostre dyoecesis quarum prior et conventus Dunelmenses jus optinent patronatus diebus Dominicis et festivis solempniter et publice intra missarum sollempnia denuncies seu denunciari facias et a denunciacione non cesses hujusmodi quousque aliud a nobis receperis in mandatis Quod si hoc mandatum nostrum post hanc nostram monicionem in toto vel in parte exequi omiseris distuleris vel neglexeris quovis modo excommunicacionis sentenciam ex tunc in personam tuam propter hujusmodi inobediencie culpam preferimus in hiis scriptis Quid igitur super premissis duxeris faciendum per litteras tuas [] infra quindecim dies a recepcione presencium continue numerandos nos reddas fideliter cerciores Datum apud Scyreburn iiij kalendas Septembre pontificatus nostri anno secundo