Charter Document - 07030457
| Charter Number: | 07030457 |
|---|---|
| Cartulary Title: | The Register of William Wickwane, Lord Archbishop of York, 1279-1285 |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1281 |
| Date type: | Internal, Calendar, Regnal |
| Resource Link(s): |
Borthwick Institute - Register 3 (f38r) |
Charter:
E[dwardus] Dei gracia rex [] venerabili [] Cum inter vos ex parte una et venerabilem patrem R[obertus] Dunelmensem episcopum ex altera super quibusdam negociis jurisdiccionem vestram ordinariam contingentibus orta sit quedam dissensionis materia ac vos sicut accepimus occasione dissensionis illius in dilectos nobis in Christo priorem et conventum Dunelmensem pro eo quod ipsi vobis in hiis que ad hujusmodi jurisdiccionem pertinent sine ejusdem episcopi sui licencia vel consensu parere non audebant vel pocius sine manifesto sue ecclesie prejudicio sicut dicunt minime poterunt excommunicacionis sentenciam nuper fecistis promulgari licet dicti prior et conventus aut predecessores eorum priores et monachi ejusdem nunquam hactenus vestris predecessoribus archiepiscopis Eboracensibus in hujusmodi consueverint obedire nos ob bonum pacis et concordie quod pars utraque sicut hii precipue qui divinis presunt diligenter debet attendere paternitatem vestram duximus intime deprecandam quatinus predictis priori et conventui quorum culpa hujusmodi sentencie ferende causam vel occasionem non prebuit quatenus secundum Deum et sine lesione libertatis ecclesie vestre manifesta poteritis parcere velitis in hac parte et cum eisdem micius agere curetis hujusmodi nostri roga minis interventu ne libertas ecclesie sue Dunelmensis quam hactenus hujusmodi immunitate gavisam fuisse dicunt per vos novo et indebito gravamine violetur Teste me ipso Apud Hattefeld Peverille xxii die Julii anno regis nostri ix