Charter Document - 07030452

In nomine Domini Amen Cum vos nuper venerande pater domine W[illelmus] Dei gracia Eboracensis archiepiscope Anglie primas litteras vestras destinaveritis priori et conventui Dunelmensi inter cetera continentes quod vos in capitulo Dunelmensi in crastino Sancti Johannis Baptiste anno Gracie MCCLXXXJ visitacionis officium apud eos exercere intenditis quodque ipsi de capitulo omnes et singuli dicto die vobis ibidem personas suas pretenderent hujusmodi visitacionis metropolitice officium recepturi ego frater Rogerus de Metheley procurator predictorum prioris et conventus nomine procuratorio vos venerande pater predicte suspectum pono et postulo et ut suspectum recuso in negocio visitacionis predicte pro eo quod a vobis ad sacrosanctam Sedem Apostolicam appellatum extitit ex parte dictorum prioris et conventus ex causa legitima ex eo videlicet quod vos clericum eorum ad ecclesiam de West Rongetone patronatus eorundem vobis per eos canonice presentatum contra justiciam admittere recusastis unde pendente ipsa appellacione eisdem merito suspecti censemini Et peto quod vos mecum communiter arbitros eligatis vel si communiter convenire nequiverimus alio modo in forma juris arbitri eligantur qui de hujusmodi suspicionis causa cognoscant ad quod et eciam ad probandum suspicionis causam quatenus in facto consistit coram arbitris cum electi fuerint nomine dictorum prioris et conventus et pro ipsis loco et tempore oportunis in forma juris offero me paratum Item cum dicti domini mei sint et fuerint in possessione vel quasi exercendi jurisdiccionem et habendi primarias cogniciones in causis de Houedenscyra et Alvertonscyra vos pater reverende per vos et officialem vestrum ipsos dicta jurisdiccione spoliare conamini parochianos ipsius jurisdiccionis eidem inmediate subjectos coram vobis officialique vestro trahi primarie facientes in casu a jure non permisso vel concesso ac alias eandem turbatis jurisdiccionem unde vos suspectum postulo et pono ac eciam ut suspectum recuso in visitacione vestra demandata unde peto [] Et ne vos ad hanc visitacionem vestram suscipiendam eosdem invitos compellatis sacrosanctam Sedem Apostolicam in hiis scriptis provoco et appello et apostolos instanter peto Item cum secundum statutum Lugdunensis Concilii metropolitanus capitulum proprie ecclesie et personas ejusdem necnon et ecclesias sue civitatis et dyoecesis clerum et populum earundem debeat primo in forma juris visitare priusquam divertat se ad visitacionem dyoecesuum suffraganearum protestor me velle proponere excipiendo quod vos capitulo ecclesie vestre civitatis vestre ecclesiis et plerisque capitulis vestre dyoecesis nondum plene visitatis visitacionem vestram in dicto capitulo Dunelmensi exercere et eam recipiendam eis injungere non debetis nec ad eam recipiendam eos invitos compellere Item protestor me velle proponere excipiendo quod vos venerande pater spreta forma Concilii Generalis sicut olim hanc provincialem visitacionem sicut proponitis facere de jure non potestis nec debetis eo quod de negligencia dyoecesis vestre super correccione et reformacione eorum que correccione vel reformacione indigent in forma dicti Concilii non sit vobis facta relacio Item protestor me velle excipiendo proponere [] quod cum venerabilis pater Dunelmensis episcopus superior sit et caput ecclesie Dunelmensis et abbas cui subest capitulum ejusdem ecclesie qui remotis partibus degens causa necessaria scilicet negociorum suorum prosequendarum ad presens minime visitari potest et quo non visitato membra de jure visitare non potestis nec debetis vos dictum capitulum ad recipiendum visitacionem vestram compellere de jure non potestis nec debetis dicto capite prius non visitato Et ne vos pater reverende spretis premissis dictos priorem et capitulum invitos ad visitacionem vestram recipiendam in capitulo eorum aut ecclesiis suis quas in proprios usus habent in dyoecesi Dunelmensi per quamcumque censuram ecclesiasticam compellatis Sedem Apostolicam quam prius in hiis scriptis provoco et appello et apostolos instanter peto quos si michi de negaveritis eandem Sedem quam prius et ut prius provoco et appello adiciens eciam quod si predicta vera non essent aut non sufficerent vel forsan quod absit probari non possent quia tamen Dunelmensis ecclesia et dicti prior et conventus ac eorum predecessores illa hactenus gavisi sunt plenaria libertate ac immunitate eis ex privilegiis specialibus et indulgenciis plenaria concessis obtenta que parati sunt congruis loco et tempore coram judicibus competentibus exhibere et probare quod nullo nunquam tempore Eboracensis archiepiscopus auctoritate metropolitica in eos provincialis visitacionis officium exercuerit set a tempore fundacionis Dunelmensis ecclesie a visitacione hujusmodi prorsus liberi fuerint et immunes et adhuc earundem libertatum et immunitatum pacifica possessione vel quasi gaudent a qua possessione vel quasi sine cause cognicione de jure spoliari vel eici non possunt nec debent vos dominum archiepiscopum ad exercendum in eos et ecclesiam suam metropolitice visitacionis officium admittere non tenentur Et ne vos contra privilegia eorum predicta libertatum et immunitatum ipsorum possessione vel quasi ipsos voluntarie spoliando aut eos in earundem possessione vel quasi perturbando vel aliquatenus molestando contra jura in medio posita jus vobis in propria causa dicendo in personas eorum aut ecclesiam Dunelmensem seu alias ecclesias suas aut alia loca sua dicte dyoecesis seu eciam Eboracensis dyoecesis maxime autem in ecclesiis de Houedene et Alverton scyre quas in proprios usus habent et quarum jus patronatus ad eos spectat unacum juribus et libertatibus suis ipsis in eisdem ecclesiis de jure consuetudinario ac specialibus privilegiis eis super hiis concessis competentibus seu in clericos laicos familiares aut domesticos seu parochianos suos sentencias suspensionis excommunicacionis aut interdicti proferatis aut proferri faciatis aut quicquam aliud durum amarum seu penale per vos vel alios in eorum vel mei prejudicium statuatis seu decernatis aut execucioni de mandetis occasione metropolitice visitacionis memorate seu eciam dyoecesis contra libertates suas sacrosanctam Sedem Apostolicam quam prius iterato provoco et appello et apostolos peto supponens eos et ecclesiam Dunelmensem capitulum Dunelmense familiares eorum parochianos et alios quoscumque eis in agendis suis adherentes ecclesias suas dicte dyoecesis necnon et Eboracensis dyoecesis unacum juribus et libertatibus suis ut predictum est et omnia bona sua mobilia et inmobilia ecclesiastica et mundana ubicumque existencia proteccioni defensioni et tuicioni dicte sacrosancte Sedis Et super hiis provocacionibus et appellacionibus si eisdem reverende pater deferre neglexeritis fide dignorum in presenti existencium testimonium invoco videlicet magistrorum Willelmi de Sancto Quintino Thome de Birland rectoris ecclesie de Brantingham Roberti Avenelle canonici de Houedene Nicholai de Berewyco et Gilberti de Suthayke necnon et subscriptorum clericorum Wilelmi de Fennum