Charter Document - 07030451
| Charter Number: | 07030451 |
|---|---|
| Cartulary Title: | The Register of William Wickwane, Lord Archbishop of York, 1279-1285 |
| Charter Language: | Latin |
| Charter Origin: | Religious |
| Charter Type(s): | Complaint |
| Date: | 1279 - 1285 |
| Date type: | Assigned |
| Resource Link(s): |
Borthwick Institute - Register 3 (f36r) |
Charter:
In Dei nomine Amen Cum nuper vos reverende pater domine Willelme Dei gracia Eboracensis archiepiscope Anglie primas venerabili patri domino R[obertus] Dei gracia episcopo Dunelmensi domino meo litteras vestras destinaveritis inter alia continentes quod in crastino Sancti Johannis Baptiste proxime futuro in capitulo cathedralis ecclesie sue Dunelmensis compareret vestre visitacionis officium sicut convenit admissurus quod ipso die in ipsum dominum episcopum et capitulum suum exercere intenditis prout ex tenore earum litterarum videtur apparere ac dictus dominus meus recusaciones validas et efficaces excepciones et defensiones legitimas habeat contra vos et visitacionem vestram sic demandatam quare vos ad visitandum prout intenditis admittere non tenetur nec ad hoc procedere nec ipsum ad visitacionem vestram admittendam de jure potestis invitum compellere nec debetis ipsas ego Willelmus de Fennum clericus procurator dicti domini mei Dunelmensis episcopi nomine ipsius et pro ipso coram vobis propono et protestor me velle easdem et alias in hac vel alia forma debita tempore competenti proponere