Charter Document - 07030449
| Charter Number: | 07030449 |
|---|---|
| Cartulary Title: | The Register of William Wickwane, Lord Archbishop of York, 1279-1285 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1281 |
| Date type: | Internal, Calendar, Episcopal |
| Resource Link(s): |
Borthwick Institute - Register 3 (f35v) |
Charter:
W[illelmus] [] venerabili in Christo fratri domino [] eadem gracia Dunelmensi episcopo salutem et fraterne caritatis augmentum continuum coram Christo Uberior et magis meritoria suavitas devote obediencie reputatur sicut scitis quam quevis victima in conspectu et presencia Creatoris Unde cum ex debito notorii et manifestissimi sacramenti et professionis vestre nobis et ecclesie nostre Eboracensi ad canonicam obedienciam que plures humilitatis articulos in se continet teneamini nolit Deus omnium dignus dispositor quod contra sacramentum vestrum seu sancte obediencie bonum per quodlibet ficte subtilitatis diffugium correccionem nostri officii frustratorie et pertinaciter evitetis quod quidem correccionis officium pretextu moliminis malicie quam quidam forsitan moliuntur nequit nisi nequiter declinari Ad securitatem igitur et solidam serenacionem consciencie et anime vestre vobis tenore presencium sub aspersione sanguinis Salvatoris auctoritate metropolitica precise et firmiter inhibemus ne in crastino Beati Johannis Baptiste quod pro termino peremptorio vobis prius assignavimus et in spiritu lenitatis pro peremptorio iterato assignamus per presentes ad vos votive visitandum tunc temporis in ecclesia vestra Dunelmensi et membra vestra ac subditos sicut convenit subsequenter abesse aliquatenus presumatis ita quod contumaciam vestram quod absit seu diffugium pertinacie vel lesionem juramenti ac indevocionem sprete perperam obediencie officii nostri exigente censura nos percellere non oporteat quod nollemus Et utinam vestri avellentes cor vestrum si qui sint sanccius saperent et nociva novissima providerent Bene valeat paternitas vestra feliciter semper in Domino Datum apud Ribecestriam xi kalendas Maii pontificatus nostri anno secundo