Charter Document - 07030447
| Charter Number: | 07030447 |
|---|---|
| Cartulary Title: | The Register of William Wickwane, Lord Archbishop of York, 1279-1285 |
| Charter Language: | Latin |
| Charter Origin: | Religious |
| Charter Type(s): | Mandate |
| Date: | 1281 |
| Date type: | Internal, A.D., Calendar, Episcopal |
| Resource Link(s): |
Borthwick Institute - Register 3 (f35v) |
Charter:
W[illelmus] permissione [] dilectis et precordialibus in Christo filiis priori et conventui Dunelmensibus salutem [] Quia propiciante Dei clemencia intendimus in inchoacione nostre provincialis et metropolitane visitacionis in dyoecesi Dunelmensi vos in capitulo vestro Dunelmensi in crastino Beati Johannis Baptiste ad recreacionem animarum vestrarum personaliter et utiliter intueri ac visitacionis et debite correccionis officium apud vos caritativis et preclaris affectibus exercere vobis tenore presencium auctoritate metropolitica injungimus et precise mandamus quatinus omnes et singuli vestrum dicto die nobis ibidem personas vestras et votivam presenciam pretendatis nostra salubria monita reformaciones canonicas et injuncta debita et devota reverencia recepturi sintque confratres absentes ad hoc per vos debite et legitime premuniti taliter tamque circumspecte vos habentes in hac parte ut vestre devocionis dulcedinem in nostro paterno profuturo processu debeamus merito et intime comprobare Vota igitur que debite conceperitis in hac parte nobis per litteras vestras patentes harum seriem continentes unacum die recepcionis presencium citra instans festum Annunciacionis Beate Virginis sub vinculo et virtute obediencie evidencius rescribatis Datum apud Cawod v idus Marcii Anno gratie MCC Octogesimo et pontificatus nostri anno secundo