Charter Document - 07030446
| Charter Number: | 07030446 |
|---|---|
| Cartulary Title: | The Register of William Wickwane, Lord Archbishop of York, 1279-1285 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1281 |
| Date type: | Internal, A.D., Calendar, Episcopal |
| Resource Link(s): |
Borthwick Institute - Register 3 (f35v) |
Charter:
W[illelmus] permissione [] venerabili in Christo fratri Robertus Dunelmensi episcopo salutem et fraterne caritatis continuum incrementum Sollicitudinis nostre studium eo convenit vigilancius circa reformacionem impendere subditorum quanto antiqui hostis astuciam bonorum operum exerciciis invidere conspicimus ac per excogitata fraudis comenta eisdem incessanter pervigili malicia contraire Provide ne dum in agro Dominico ex suscepti regiminis officio laborare astringimur torporis culpa virtutibus inimica dampnabiliter involvamur presertim cum si commissi nobis gregis Dominici curam ex negligencia contempserimus reatus alienos per consensum tacitum nostros faceremus Attendentes quod in examine districti judicii in quo villicacionis nostre racionem reddituri sumus sanguis subditorum de nostris requiretur manibus si reformacionem ipsorum negligenter dimitteremus ad partes Dunelmenses metropolitice et provincialis visitacionis causa exercende personaliter proponimus declinare circa reformacionem eorum quorum regimini licet indigni preesse dicimur officii nostri debitum prout saluti convenit animarum disponente Domino salubriter impensuri Quocirca fraternitatem vestram monemus et exhortamur in Domino vobis nihilominus in virtute sancte obediencie firmiter injungentes quatinus in crastino Nativitatis Beati Johannis Baptiste in capitulo ecclesie vestre cathedralis tempore oportuno personaliter compareatis visitacionis nostre officium prout convenit admissuri idemque priori et capitulo vestro per vos injungi volumus et mandamus fraternitatem vestram hortantes et obsecrantes per aspersionem sanguinis Jesu Christi in quo ipse Filius Dei unigenitus descendens a sinu patris in uterum matris suam redemit ecclesiam et fundavit quatinus usque ad prefatum terminum quem ex certa consciencia propter id diffusum fecimus circa correccionem defectuum ac errorum officii vestri debitum per vos ipsos interim taliter exequi studeatis quod de negligencia argui non possitis et meritum sperantes apud Deum justam faciente Domino possitis de commisso pontificatus officio in die novissimo reddere racionem Cum si diligenter attendatis locum dignitatis in qua estis auctore Domino constituti et quid nomen episcopi importat et eciam sollicitudinis manu antiquorum patrum gesta revolvitis utique pro salute commissi gregis et reformacione ejusdem tanto debetis studio vigilare quod pro eodem temporaliter moriendo vitam vobis eternam spiritualiter comparetis Diem vero recepcionis presencium et quicquid faciendum duxeritis in premissis nobis vestris patentibus litteris harum seriem continentibus citra instans festum Annunciacionis Beate Marie Virginis fideliter intimetis Datum apud Cawod v idus Marcii Anno gratie MCC Octogesimo et pontificatus nostri anno secundo