Charter Document - 07030445
| Charter Number: | 07030445 |
|---|---|
| Cartulary Title: | The Register of William Wickwane, Lord Archbishop of York, 1279-1285 |
| Charter Language: | Latin |
| Charter Origin: | Religious |
| Charter Type(s): | Mandate |
| Date: | 1283 |
| Date type: | Internal, Calendar, Episcopal |
| Resource Link(s): |
Borthwick Institute - Register 3 (f138v) |
Charter:
W[illelmus] permissione [] dilectis in Christo filiis de Sancto Oswaldo et de Neuburg prioribus in generali capitulo Canonicorum Regularium nostre provincie et dioecesis presidentibus salutem [] Vestre sollicitudini cernimus convenire errancium fratrum lasciviis occurrere et quos mansueta correccio non comprimit regularis discipline rigore adhibito arcius cohercere Cum itaque fratrem Leonardum canonicum de Martone dum visitacionis officium inibi exercuimus adeo intolerabilem invenerimus quod congregacio fratrum suorum ejusdem reprobam et perversam conversacionem nullatenus poterit sustinere nec prior loci ejusdem tutum locum habeat in quo ipsum includere valeat presertim cum nulla serura ferrea eidem possit resistere quin eam infirmet ad libitum et dissolvat devocioni vestre injungimus et mandamus quatinus de salute ipsius fratris cogitantes ipsum in aliquo tuto loco quem providere duxeritis quo maturius poteritis collocetis ubi victui necessariis contentus commissa lugeat et penitenciam subeat salutarem proviso quod locus ille adeo tutus paretur quod in scandalum ordinis evadere nequeat et evagando proprius vestra accedente negligencia deperire Datum apud Cawod Nonis Augusti pontificatus nostri anno quarto