Charter Document - 07030444
| Charter Number: | 07030444 |
|---|---|
| Cartulary Title: | The Register of William Wickwane, Lord Archbishop of York, 1279-1285 |
| Charter Language: | Latin |
| Charter Origin: | Religious |
| Charter Type(s): | Mandate |
| Date: | 1279 - 1285 |
| Date type: | Assigned |
| Resource Link(s): |
Borthwick Institute - Register 3 (f35v) |
Charter:
W[illelmus] permissione [] dilectis in Christo filiis priori et conventui de Novo burgo salutem [] Circa reformacionem status cenobii de Martone cujus temporalia extremam quasi exinanicionem proth dolor paciuntur ubi religiosa honestas dissolvitur regularis observancia exulat impudice occupaciones sollicitas assumpsimus pio zelo Et quia honestorum et religiosorum fratrum conversacio locum reparat et plerumque sanctificat prout sacra pagina perhibet et testatur ad recreacionem infirmitatis collegii prefate domus aliquos fratres ejusdem regule in spiritualibus et temporalibus circumspectos eidem collegio providemus salubriter aggregandos Convertentes igitur ad congregacionem vestram quam honestam et Deo placidam estimavimus oculos perspicaces quosdam ex ipsis prefate domui consulere censuimus desolate Quocirca devocioni vestre in virtute sancte obediencie districcius precipiendo mandamus quatinus ad nominacionem dilecti in Christo filii prioris de Martone tres de concanonicis vestris providos et honestos in prefate depressionis speratum subsidium et levamen ad locum ipsum curetis transmittere quam cicius per predictum priorem fueritis requisiti ut ex eorum electa conversacione fructuoso succedente eventu honor vestro collegio accrescat perpetuus et gloria quod optamus Mittendos vero ad tempus morari volumus pro nostro arbitrio quatenus ordinare duxerimus in futurum Datum []