Charter Document - 07030436
| Charter Number: | 07030436 |
|---|---|
| Cartulary Title: | The Register of William Wickwane, Lord Archbishop of York, 1279-1285 |
| Charter Language: | Latin |
| Charter Origin: | Religious |
| Charter Type(s): | Mandate |
| Date: | 1280 |
| Date type: | Internal, A.D., Calendar |
| Resource Link(s): |
Borthwick Institute - Register 3 (f26v) |
Charter:
Nos Willelmus permissione [] defectus quos in visitacione et inquisicione nostra in prioratu de Schelford ij nonas Junii Anno Domini MCCLXXX reperimus correximus in hunc modum videlicet quod prior omnem torporem decetero circa spiritualia et temporalia et omnes gestus lascivie pretextu et virtute sui nominis abiciat et operoso pastoris exemplo gregem dirigat et informet divinum obsequium et execucionem sui ordinis amplius amplectendo et in agendis monasterii confratrum assensui et consilio consulcius inherendo ita quod dispendia domus sollerter precaveat et evitet Subprior autem de subprioratus officio et custodia sigilli unacum socio sibi deputato deinceps se solummodo intromittat nec alia officia subeat quoquo modo Inutiles eciam servitores circa custodiam grangiarum quos celerarius incaute hactenus tolleravit precipimus modis omnibus amoveri Injungimus eciam quod silencium nequaquam deinceps sicut hactenus infringatur nec viles persone in refectorio comedant sive bibant set nec in infirmariam aliquis nisi juratus vel medicus per aliquem inducatur Item post completorium nullus nisi in presencia prioris et de ejus perutili licencia coram hospitibus bibere presumat vel comedere nisi vera infirmitas hoc deposcat Infirmos decencius et delicacius solito precipimus procurari et elemosinam que frequenter consumitur volumus sanccius et caucius custodiri Discursus et evagaciones canonicorum extra claustrum penitus prohibemus nisi ex necessaria causa et preoptenta licencia a presidente exitus concedatur Karolas et cistas cum ser ruris bis annuatim in presencia evidentis consorcii per priorem precipimus aperiri ut proprietatis vicium virilius expellatur Pecuniam eciam pro indumentis canonicorum amodo nolumus liberari set de communi sar tria prout opus fuerit quilibet vestiatur Munuscula vel litteras nullus recipiat sine licencia presidentis et tunc communibus usibus applicentur Perturbaciones et contumelias sub obtestacione divini judicii penitus inhibemus Hec autem in capite cujuslibet mensis in pleno conventu publice precipimus recitari Datum et actum in capitulo de Schelford die et anno supradictis