Charter Document - 07030434

Ad incrementum et cumulum laudis Altissimi nos Willelmus Dei gratia Ebor Archiepiscopus Anglie primas septimo kalendas Junii anno Domini MCC octogesimo votivum et sollicitum visitacionis et inquisicionis officium in prioratu de Wyrkesoppe attentis viribus exercentes defectus regule et personales excessus quos ibidem reperimus correximus in hunc modum videlicet quod prior decetero omnem proprietatis perniciem et labem evagandi et maxime extra portas prioratus sine quavis negligencia studeat amputare nisi inevitabilis et necessaria causa eundem priorem vel presidentem ad regularem et justam licenciam in hac parte ad Dei complacenciam excitarit Et ut salubrius et sanccius ista fiant injungimus priori sub evitacione indignacionis Dei et nostre quod omnium concanonicorum ser uras quater in anno vel sepius si suspicio cujusquam hoc exigat assumpto secum apto testimonio in sua presencia faciat aperiri res inibi tunc repertas communibus usibus monasterii protinus applicando Provideat insuper prior sub periculo gradus sui ne quis quam confratrum quacumque occasione vel causa necessaria portas monasterii exeat nisi congruum habeat con testem contra plebis scandalum vite sue [Desidiosos et inutiles canonicos quos in infirmaria morari contigerit non ut canonicos set velud pauperes et extraneos de elemosina absque incommodo et onere monasterii precipimus mediocriter exhiberi quod menti et memorie prioris injungimus jugiter applicari] Jugiter eciam precaveat et cogitet meditantur sub ruina nominis sui ne quisquam concanonicorum vel fratrum infirmum se confingens in infirmaria vel alibi in loco solaminis aliquatenus collocetur set velud membrum discrepans et informe a consorcio et solaciis expellatur et in arciorem custodiam detrudatur ne torpore vel ocia soporatus demonio vel horroribus se coaptet Precipimus eciam quod postquam Robertus de Sancto Botulfo et Petrus de Retford in infirmariam se contulerint nullo modo exeant sic ingressi antequam ceterorum consorcio absolute concesserint inherere et hoc nullo casu mutari precipimus vel infringi Prohibemus eciam ne Adam de Roderham nuper celerarius extra septa monasterii quacumque racione vel causa exeat decetero set claustro et conventui adhereat continue donec aliud ordinaverimus de eodem it a quod pro commisso [s]celere et deformacionis obprobrio penitenciam subeat juxta censuram regule interim salutarem Infirmos autem et vere languentes precipimus deinceps suavius solito et humanius pertractari Prohibemus insuper in virtute sancte devocionis et obediencie omnia sinistra et suspecta parlamenta que honestati et regule non conveniunt in prioris absencia vel eciam presidentis Et ne corredia decetero absque causa necessaria ac approbacione nostra quoquo casu distrahantur prohibemus eciam sub obtestacione divini judicii ne aliquis canonicorum vel fratrum cum aliquo extraneo hospite vel alias benivolo post completorium la[s]civiet comedat vel bibat nisi prior affuerit cum eisdem Silentium autem regulariter et sanccius solito precipimus observari ut regula reccius regelatur prohibentes ne elemosina amplius sicut hactenus consumatur Onerosam et inutilem confluenciam quorumcumque deinceps totaliter inhibemus Injungimus eciam priori in virtute professionis sue quod Willelmum Selliman qui rebellis est incorrigibilis et rixosus fratres Willelmum de Grave et Henricum de Marcham converses de incontinencia de famatos secundum exigenciam et acerbitatem regule corrigat et pertractet ita quod sine nobis dispensacionis mitigacio nulla fiat Hec et alia utilitati et honori illius gremii et collegii conveniunt dicto priori in periculo et dispendio consciencie sue injungimus integre observanda et in capite cujus libet mensis in capitulo recitanda donec ibidem Deo disponente revertamur Datum et actum in capitulo de Wyrkesoppe die et anno supradictis