Charter Document - 07030433

Nos Willelmus Dei [] visitavimus prioratum nostrum de Apeltone die Jovis proxima post festum Annunciacionis Beate Virginis anno Gracie MCCLXXXJ et ea que erant ibidem emendanda sic emendavimus per correcciones et ordinaciones varias sicut sequitur In primis volumus quod servicium Dei et emendaciones in capitulo digne et debite fiant et quod priorissa nullius parcat delicto set diligencius se habeat ab hac hora quam hucusque fecit ut opera sua et diligencia correspondeant nomini suo Volumus eciam et precipimus quod silencium debite servetur juxta regulam horis locis et temporibus ut decet Item volumus quod nulla monialis aliquod munus vestitum vel calci[a]turam sibi appropriet de dono cujusquam absque consensu et assignacione priorisse Item volumus quod priorissa quicquid recipit in denariis vel aliis rebus ad usum quemcumque monasterii illud non sola set sub testimonium duarum vel trium monialium monasterii de senioribus et sapientioribus recipiat et in fine anni computet coram senioribus ad hoc electis de omnibus receptis et expensis in presencia testium hujusmodi ut ipse videant et audire possint statum domus Volumus eciam et precipimus in virtute obediencie quod nulla decetero in monialem vel sororem domus vel eciam ad morandum in monasterio admittatur nisi de nostra licencia speciali honestam tamen hospitalitatem unius diei vel noctis per hoc nullatenus prohibemus it a tamen quod inde nullum peccatum vel scandalum oriatur Prohibemus eciam serruras for cereorum et cistarum nisi priorissa sepius videns contenta et inspiciens aliud honeste ordinaverit in hac parte Item volumus quod prospiciatur infirmis pro facultatibus domus congrue et debito modo ne pro defectu deficiant Item volumus quod refectorium et at claustrum ab extraneis melius solito custodiantur ne fama amplius pereat monialium sicut consuevit actenus deperire Item volumus et ordinamus quod nulla monialis vel soror monasterii claustrum exeat sine licencia priorisse et si aliquam ad exeundum licentia verrit sine competenti et secure testimonio non vadat neque sine racionabili causa quam debeamus et possimus merito acceptare Et precipimus quod ista in principio cujus libet mensis in capitulo publice legantur et apte exponantur per sub priorissam vel aliam que ad hoc assignabitur per conventum quod nullatenus omittatur Datum et actum in capitulo de Apeltone die et anno supradictis