Charter Document - 07030431

Ad honorem unici et venerandi filii Dei et ad piam recreacionem infirmorum et languencium in hospitale Beati Egidii Beverlaci eundem locum kalendas Septembri oculis nostris pie et personaliter subjecimus ac digne visitacionis officium diligenter exercuimus in eodem ea que reformacione prospeximus indigere [in] correccionis limam usque ad visitacionem proximam legitime redigentes Decernimus igitur et sub reverencia et sub timore Dei injungimus quod prior et conventus de Wartria habeant decetero in eodem hospitali quatuor presbiteros bone et laudabilis conversacionis qui exemplo vite sue inibi morantes et compatriotas ceteros salutifere instruant et informent de bonis ipsius hospitalis honorifice sustinendos qui ibidem jugiter celebrent et ipsam domum in debitis suis observanciis pro viribus sublevent et conservent Volumus eciam quod duos presbiteros infirmos et debiles nuper ibidem inventos unacum quatuor predictis congrue et honorifice studeant in singulis sustinere Ordinamus insuper quod sint in eodem hospitali decetero saltem usque visitacionem proximam xv lecti et totidem pauperes infirmi de elemosina et pietate domus secundum per optentam consuetudinem exhibendi preter x pauperes qui ibidem per cartas suas optinent victum suum quorum cartas secundum tenorem earundem integre quo ad singula in eisdem contenta volumus observari ita quod de bonis aliorum infirmancium et pauperum non communiant quoquo modo nec cartas suas aliquo modo ampliant vel excedant Et precipimus quod ab eodem hospitali nunquam decetero vendantur victualia quibuscumque Volumus eciam quod pauperes ejusdem hospitalis cartas non habentes in festo Natalis Domini stramen competens habeant et tria eciam vel quatuor ova quilibet eorundem secundum discretum presidencium moderamen Item volumus quod de quolibet manerio ubi auce nutriuntur habeant iidem infirmi in festo Beati Michaelis annis singulis duas aucas et quintam partem casei in dicto hospitali et locis adjacentibus faciendi Item quod potagium eisdem sufficiens sicut fieri consuevit et congruit diebus singulis ministretur Item precipimus quod quintam lagenam cervisie braciate contra Natale in dicto hospitali et quintum bovem de lardario et quintam ovem ac quintum porcum ejusdem lardarii excepto coreo et sebo et pellibus ovium ac sebo earundem excepto eciam uncto porcino habeant dicti languidi et morbosi Ordinamus insuper quod prior et conventus supradicti de elemosinis patrie quas ad ipsorum manus et fidelem custodiam volumus de venire infirmariam operiant relevent et sustentent Item volumus quod in exequiis pauperum quatuor luminaria ministrentur de bonis eorundem si autem in bonis nichil optineant de bonis infirmarie convenienter idem fiat Ordinamus insuper quod postquam quisquam fraternitatem ibidem assumpserit nichil de bonis suis alibi leget conferat vel assignet set statim in ingressu testamentum conficiat et se unacum rebus suis applicet illi loco Et quod viri utantur albis tunicis et nigris scapularis cum capuciis et mulieres albis tunicis et nigris mantellis et quod non exeant septa sine licencia custodis ad hoc specialiter deputati nec alibi comedant nec bibant aut dormiant seu demorentur quam in infirmaria Item precipimus ut audito divino officio in capella infra infirmariam sita operaciones domus operentur ut in nendo consuendo vestes canonicorum et eorum ministrorum ibidem abluendo et aliis decentibus humiliter et devote faciendo cum fuerint requisiti Precipimus eciam quod secreta et suspecta diverti cula sive cellule in infirmaria constructe sine mora qualibet sint amote ut nichil sinistrum possit in domo [decetero] suspicari Hec autem et alia que ex merito vel ex debito debent vel commode poterunt observari eisdem priori et conventui ex parte Dei usque ad proximam visitacionem nostram sollicite suademus ne iidem elemosinarum custodes deputati ex clamentur quod absit in nostri ignominiam subversores Datum apud Beverlacum die et anno supradictis