Charter Document - 07030430

Ad incrementum cultus divini fidei Christiane et religionis augmentum nos Willelmus Dei gratie Ebor archiepiscopus iiij idus Augusti Anno Domini MCCLXXX in prioratu de Drax nostri debitum officii in inquirendo et visitando votivis et sollicitis laboribus adimplentes ea que informacione inibi indigebant correximus in hunc modum Inhibemus igitur a principio sub timore et reverencia Redemptoris ne prior deinceps incauto et inordinato consilio quorundam in agendis communibus monasterii sicut hactenus ad derisionem secularium vel offensam confratrum ad dampnum monasterii obducatur set consensum et consilia sui conventus et maxime seniorum debite diligat et requirat ne ad ruinam sui nominis acerbiora nos oporteat preparare Eidem eciam priori omnem confederacionem malicie cum malivolis monasterii et rixosus ac ineptas reprehensiones confratrum in presencia saltem laicorum sub honoris sui periculo firmiter inhibemus volentes quod tamen in loco convenienti et secreto eosdem corripiat et castiget Injungimus autem eidem in virtute et vinculo sue professionis ut circa regimen spiritualium et conversacionem temporalium diligencius et circumspeccius solito se exerceat circumquaque ita quod regula et statuta predecessorum unacum hiis adjeccionibus nostris in silentio suis locis et temporibus ac in ceteris consuetis et debitis observanciis rite pro viribus observentur ne ipsius vel cujusquam rebellio nos ad severitatem excitet ulcionis Ordinamus insuper et decernimus quod frater Willelmus de Snayth nuper subprior ejusdem loci officio subprioratus et cujuslibet alterius officine vel cure penitus dimisso contemplacioni claustrali jugiter inmoretur ut se consortibus et fratribus suis discat temperancius et suavius sociari adeo quod torpore seu adhesione lectuli a grege et consorcio amodo non discrepet quoquo casu set sit quietus non clamosus abstinens non delicatus pudicus non inverecundus in verbis vel operibus sitque ceteris socialis et conformis prout regula evidencius persuadet ne oporteat membrum tam discrepans et informe a cetu collegii ad sui desolacionem perpetuam resecari Item decernimus et ordinamus quod Hugo de Rykhale ob inhonestas et verecundas contenciones ipsius et varias perturbaciones quas frequenter facit ad inquietacionem conventus claustro et conventui in ultimo gradu sacerdotum continuo adhereat et silenter se habeat conformiter et quiete ita quod nullum sibi officium seu solemnis honor monasterii aliquatenus deputetur sine assensu nostro expressius per optento Item quia inordinate esu carnium et albi tempora salutis et abstinencie idem Hugo sepius deformavit volumus et decernimus quod diebus Dominicis hoc anno carnibus non utatur nisi cum eodem ex causa digne disponamus micias operari set nec in infirmaria diebus quibuscumque nisi infirmitas vel alia legitima causa subsit Item Elyam sub cellerarium qui vagando operam indulget interdum illicitis et dampnosis domui deputamus gregi et conjungimus claustro suo ne ulterius cum tanto periculo aliquatenus evagetur volumus quod nec claustrum exeat vel ecclesiam nisi de nostra licencia personali Item Johannem de Weland laicum a sustentacione et servicio monasterii propter varia ipsius demerita penitus amovemus et ipsum priori et conventui excommunicatum et vitabilem nunciamus pro eo quod in Laurencium de Lincolnia canonicum manus injecit temere violentas nec est adhuc rite ut recepimus absolutus Item Elyam canonicum qui violenter percussit Johannem de Lincolnia concanonicum suum nec adhuc absolvitur ut comperimus Hunc subicimus legitime absolutum penitencie salutari videlicet quod singulis diebus usque ad festum Omnium Sanctorum in pleno capitulo se Deo coram eodem Johannem devote humiliet et prosternat ipsius Jonannis et tocius conventus preces et instancias erga Deum cordi ter implorando Precipimus autem priori quod carolam cujuslibet bis in anno sub congruo testimonio aperiat et scrutetur et inibi inventa communibus usibus deputet et assignet Precipimus eciam ne viles persone decetero ad mensam vel recreacionem refectorii aliquatenus admittantur nec eciam laici qualescumque nisi sint jurati vel medici ad secreta infirmarie se ingerant aut accedant Post generate eciam completorium comessaciones et potaciones omnino interdicimus vere sanis nisi in presencia prioris aliud evidens necessitas vel utilitas introducat Calefacciones et dissoluciones illicitas circa ignem in infirmaria quibuscumque temporibus totaliter prohibemus Vendiciones corradi orum et eciam aliorum quorumcumque sine licencia nostra non fiant decetero aliquo modo Per consanguineos autem prioris vel ipsius speciales nolumus monasterium indebite onerari per hoc tamen opus pium elemosine communi et unanimi non interdicimus voluntati Item injungimus quod ad siccandum braseum citra festum Sancti Michaelis morem fidelem recolligant et honestum Item inhibemus firmiter coram Deo ne quisquam canonicorum vel fratrum pro negociis extraneorum promovendis pecuniam recipiat vel mercedem sicut retro temporibus fieri consuevit Penam et punicionem conventus pro multiplici reatu eorundem quem ad presens comperimus sub spe plene correccionis et sanccioris observancie adhuc differimus cum favore ut secundum merita et devocionem repertam graciam et dulcedinem inposterum coaptemus Datum in capitulo de Drax ij idus Augusti anno Domini supradicto et pontificatus nostri primo