Charter Document - 07030429
| Charter Number: | 07030429 |
|---|---|
| Cartulary Title: | The Register of William Wickwane, Lord Archbishop of York, 1279-1285 |
| Charter Language: | Latin |
| Charter Origin: | Religious |
| Charter Type(s): | Mandate |
| Date: | 1280 |
| Date type: | Internal, A.D., Calendar |
| Resource Link(s): |
Borthwick Institute - Register 3 (f25r) |
Charter:
W[illelmus] permissione [] dilectis in Christo filio priori et conventui de Hextyldesham salutem [] [Summo nobis est studio sicut incumbit ex debito saluti prospicere personarum eciam religiosarum precipue quorum indisciplinatorum error dum se imprudenter ingerit inter claustrales proximiori periculo est addictus] Johannem itaque de Pontefracto canonicum de Boultone propter demerita et reatus ipsius que inquirendo et visitando evidenter reperimus ad vos ubi regula [monachis] salubriter et stricte observatur sicut confidimus transmittimus ad subeundum [humiliter] penitenciam [per nos] datam videlicet quod sit [inter vos] ultimus in choro postremus in claustro dormitorio et eciam in refectorio ac secundis quartis et sextis feriis pane [cervisia] legumine et unico ferculo absque vino et quibuscumque deliciis sit contentus Conventum sequatur continue regulari observancie quam hactenus abhorruit et infregit singulis modis et temporibus velud [strictus] claustralis jugiter inherendo donec aliud ordinaverimus de eodem Unde vobis mandamus in virtute obediencie et sancte devocionis quatinus eundem in vestrum acceptabile consorcium visis presentibus admittatis proviso quod in alia forma a celebracione divinorum penitus abstinendo servicii sui repeticioni et reddicione insistens sollicite dictam penitenciam apud vos [] decetero compleat sic injunctam nec extra fines [hujusmodi] inflicte penitencie vel septa [vestri] monasterii in equitatura vel [alia] causa cujusquam solacii intus vel extra aliquatenus evagetur sicut coram Deo et nobis vultis [cera hoc] securam et sanam reddere racionem Datum xvij kalendas Junii anno Gracie MCCLXXX