Charter Document - 07030396
| Charter Number: | 07030396 |
|---|---|
| Cartulary Title: | The Register of William Wickwane, Lord Archbishop of York, 1279-1285 |
| Charter Language: | Latin |
| Charter Origin: | Religious |
| Charter Type(s): | Mandate |
| Date: | 1281 |
| Date type: | Internal, Calendar, Episcopal |
| Resource Link(s): |
Borthwick Institute - Register 3 (f21v) |
Charter:
W[illelmus] [] Dilectis in Christo filii Tercio priori et conventui de Novo burgo Oblatam nobis eleccionem vestram de fratre Willelmo de Empingham concanonico vestro nuper celebratam inspeximus et per singula Newburgh examinavimus diligenter ut est moris Sane quia eleccionem vestram de fratre Willelmo predicto tandem invenimus canonice celebratam ac eundem fratrem Willelmo in temporalibus providum in spiritualibus circumspectum in regulari disciplina instructum ac virtutibus alias comperimus insignitum congregacioni vestre piis compacientes visceribus eleccionem ipsam auctoritate ordinaria confirmantes eundem electum vestrum vobis et domui vestre paterno affectu prefecimus in priorem Quocirca devocioni vestre mandamus quatinus ipsum priorem vestrum sic per nos canonice institutum reverenter admittentes eidem decetero in omnibus juxta regulares tradiciones obediendo intendere vestra studeat contemplacio salubriter profutura Datum apud Cawode v kalendas Februarii pontificatus nostri anno secundo