Charter Document - 07030385
| Charter Number: | 07030385 |
|---|---|
| Cartulary Title: | The Register of William Wickwane, Lord Archbishop of York, 1279-1285 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1281 |
| Date type: | Internal, A.D., Calendar, Episcopal |
| Resource Link(s): |
Borthwick Institute - Register 3 (f21r) |
Charter:
Presentis pagine pateat inspectoribus quod nos Willelmus Dei gratia [] per exquisitam indaginem diligencie et per sacramentum reverenter prestitum et devote quod in casu juris canonice recepimus evidenter comperimus in transitu et actu visitacionis nostre in archidiaconatu Richemundie quod bone memorie magister Symon de Evesham archidiaconus quondam Rychemundie ecclesiam de Wartone ejusdem archidiaconatus magistro Thome de Grimestone clerico ob manifestam utilitatem ipsius ecclesie et jure suo ordinario tres decem annis elapsis et sic diu ante Concilium Lugdunense graciose et debite commendavit quoad vixerit sub commendacione hujusmodi possidendam cujus commende scripturam se veretur idem Thomas eventu fortuito per quorundam custodum incuriam postmodum perdidisse Dictas igitur commendam et indaginem nostram tenore presencium cunctis subditis nostris et ceteris attestamur et ipsam commendam digno discussionis decreto et accepcionis sentencia sicut vere processerat approbamus necnon et auctoritate metropolitica confirmamus nolentes quod a quoquam subditorum vel aliis deinceps revocetur in dubium nec presumpcione qualibet irritetur set illese et perpetuo perseveret Datum apud Burtone in Kendall iiij kalendas Maii Anno gratie MCC octogesimo primo et pontificatus nostri secundo