Charter Document - 07030352
| Charter Number: | 07030352 |
|---|---|
| Cartulary Title: | The Register of William Wickwane, Lord Archbishop of York, 1279-1285 |
| Charter Language: | Latin |
| Charter Origin: | Religious |
| Charter Type(s): | Mandate |
| Date: | 1281 |
| Date type: | Internal, Calendar, Episcopal |
| Resource Link(s): |
Borthwick Institute - Register 3 (f20r) |
Charter:
W[illelmus] permissione [] dilecto in Christo filii Officiali archidiaconi Estridinge vel ejus vices gerenti Licet rebelles nostros de Beverlaco sub spe respiracionis consulte in compassionis humero mansuetissime supportave erimus ut est notum conantes per mollia ad frugem melioris vite allicere quos in statum debitum erigere cupimus et in recta semita confovere Ecce iidem recalcitrantes et obvii hii presertim qui simulata devocione absolucionis beneficium optinuerunt a sentencia qua innodati extiterant pretextu personalis injurie nobis in ecclesia nostra enormiter illate et quod anxius plangimus et dampnamus quia Sedem Cantuariensem in subversionem et ignominiam status ecclesie nostre et provincie appellarunt ob quod omnes a majore usque ad minimum ejusdem provincie avide tenentur insurgere contra eos Recidiva ando novissime miseri perjuri et apostasie vicia fedati sacramenti religione contempta vomitum resumentes emissum ad errorem redeunt preconceptum adeo quod mutua conspiracione condicta quasi omnes incole ville Beverlaci ut notorie innotescit censuram ecclesiasticam respuentes effronter in malum solito sevius invalescunt Ne igitur pereat grex sub molli pastore qui curam respicit negligenter ut pari pena puniantur qui communiter deliquerint recidiva antes in pristinam excommunicacionis sentenciam canonica monicione premissa retrusi mus et villam ipsam ecclesiastico supposuimus inter dicto ut quos Dei timor a malo non revocat ecclesiastica saltem coherceat disciplina Quocirca devocioni vestre firmiter injungimus quatinus omnes illos quorum nomina decanus noster Beverlacensis vobis in scriptis faciet liberari per totum archidiaconatum Estridinge diebus Dominicis et aliis solemnibus et festivis campanis pulsatis candelis accensis excommunicatos publice nuncietis et denunciari solempniter faciatis inhibentes nihilominus ne quis cum ipsis excommunicatis communicet seu interdictis nec forum adeat Beverlaci causa ali qualiter contrahendi cum eisdem et in aliis singulis eos tanquam excommunicatos evitare studeant preterquam in casibus licitis sub pena excommunicacionis promulgande in rebelles si monita nostra contempserint in hac parte super quorum nominibus inquirere disponimus Domino concedente Qualiter autem [] Datum apud Aluentone viij idus Augusti pontificatus nostri anno secundo