Charter Document - 07030333
| Charter Number: | 07030333 |
|---|---|
| Cartulary Title: | The Register of William Wickwane, Lord Archbishop of York, 1279-1285 |
| Charter Language: | Latin |
| Charter Origin: | Religious |
| Charter Type(s): | Mandate |
| Date: | 1280 |
| Date type: | Internal, Calendar, Episcopal |
| Resource Link(s): |
Borthwick Institute - Register 3 (f116v) |
Charter:
Suo [] decano Beverlacensi Quoniam crescente contumacia crescere debet et pena in eis presertim quos fati infelicitas gracieque defectus cujus culpe ob demeritum minime capaces existunt impertita citatis errore reddunt pro dolor obstinatos Ricardum de Vescy in ecclesiam de Feriby nostre dioecesis intrusorum notorium cum suis complicibus videlicet Johanne le Gras de Feriby Waltero Scal de eadem Johanne Alman Reginaldo le Archer Johanne de Neusum Willelmo filio Petri de Cave Petro fratre ejusdem Alano de Scyren Radulpho et Thoma garcionibus Ricardi de Vescy et Rogero de Ellerker clerico quos nominatim excommunicatos ipso facto justicia declaravimus exigent e non est dudum in profundo jam malorum constitutos de quorum convalescencia licet eam expectaverimus decetero nichil boni speramus per totum tuum decanatum singulis diebus Dominicis et festivis pulsatis campanis accensis candelis statim post lectum Evangelium astante parochianorum multitudine sic nominatim necnon omnes predicto Ricardo intrusore in fructibus ecclesie in quam se intrusit predicte colligendis cari andis recipiendis seu triturandis opem consilium prest antes vel favorem publice et solempniter in genere majoris excommunicacionis sentencia denuncies involutos hanc nostram sentenciam sic debite continuans donec tibi aliud scripserimus super istis Super hujusmodi execucione mandati nos rite certificans cum id votivo effectui te contigerit mancipasse Datum apud Beverlacum nonas Septembri pontificatus nostri anno primo